ചിലന്തിയാറിൽ ശുദ്ധജല വിതരണ പദ്ധതി: വിവാദം കൊഴുക്കുന്നു

അ​ടി​മാ​ലി: വ​ട്ട​വ​ട ചി​ല​ന്തി​യാ​റി​ൽ ശു​ദ്ധ​ജ​ല വി​ത​ര​ണ​ത്തി​നാ​യി ത​ട​യ​ണ നി​ർ​മി​ക്കു​ന്ന​തി​നെ​തി​രെ ത​മി​ഴ്നാ​ട് അ​ണ്ണാ ഡി.​എം.​കെ നേ​താ​വാ​യ എ​ട​പ്പാ​ടി കെ. ​പ​ള​നി സ്വാ​മി​യു​ടെ നേ​തൃ​ത്വ​ത്തി​ൽ ന​ട​ത്തു​ന്ന വി​വാ​ദം അ​നാ​വ​ശ്യ​മെ​ന്ന് നാ​ട്ടു​കാ​ർ. ചി​ല​ന്തി​യാ​ർ വെ​ള്ള​ച്ചാ​ട്ട​ത്തി​ൽ​നി​ന്ന്​ ഒ​ഴു​കി​പ്പോ​കു​ന്ന വെ​ള്ളം മ​റ്റൊ​രു സ്ഥ​ല​ത്ത് സ്ഥാ​പി​ക്കു​ന്ന സം​ഭ​ര​ണി​യി​ലേ​ക്ക് പ​മ്പു​ചെ​യ്യാ​ൻ പു​ഴ​യി​ൽ ത​ട​ഞ്ഞു​നി​ർ​ത്താ​നു​ള്ള ചെ​റി​യ ത​ട​യ​ണ​യാ​ണ് നി​ർ​മി​ക്കു​ന്ന​ത്. 1.80 മീ​റ്റ​ർ ഉ​യ​ര​വും 40 മീ​റ്റ​ർ നീ​ള​വു​മാ​ണ് ത​ട​യ​ണ​യു​ടെ വ​ലു​പ്പം. വ​ട്ട​വ​ട പ​ഞ്ചാ​യ​ത്തി​ലെ അ​യ്യാ​യി​ര​ത്തോ​ളം കു​ടും​ബ​ങ്ങ​ൾ​ക്കു​ള്ള ശു​ദ്ധ​ജ​ലം, കൃ​ഷി​ക്കാ​വ​ശ്യ​മു​ള്ള വെ​ള്ളം എ​ന്നി​വ വി​ത​ര​ണം ചെ​യ്യാ​നാ​ണ് ചെ​റി​യ ത​ട​യ​ണ നി​ർ​മി​ക്കു​ന്ന​ത്.

ത​ട​യ​ണ​യി​ൽ​നി​ന്ന്​ പ​മ്പു​ചെ​യ്ത ശേ​ഷ​മു​ള്ള വെ​ള്ളം പൂ​ർ​ണ​മാ​യി അ​മ​രാ​വ​തി ഡാ​മി​ലേ​ക്ക് ഒ​ഴു​കി​പ്പോ​കു​ന്ന​തി​നാ​ൽ ത​മി​ഴ്നാ​ടി​ന് പ​ഴ​യ​പ​ടി വെ​ള്ളം ല​ഭി​ക്കും. പാ​മ്പാ​ടും​ഷോ​ല വ​ന​ത്തി​ൽ​നി​ന്ന്​ ഒ​ഴു​കി​യെ​ത്തി ചി​ല​ന്തി​യാ​ർ വെ​ള്ള​ച്ചാ​ട്ടം വ​ഴി ഒ​ഴു​കി​പ്പോ​കു​ന്ന വെ​ള്ള​മാ​ണ് ത​ട​ഞ്ഞു​നി​ർ​ത്തി സം​ഭ​ര​ണി​യി​ലേ​ക്ക് പ​മ്പു ചെ​യ്ത് ക​യ​റ്റു​ന്ന​ത്. ബാ​ക്കി വെ​ള്ളം പ​തി​വു​പോ​ലെ ഒ​ഴു​കി ചെ​മ്പ​ക​ക്കാ​ട് കു​ടി വ​ഴി മ​റ​യൂ​രി​ന് സ​മീ​പ​മു​ള്ള പാ​മ്പാ​റി​ലെ​ത്തി​യാ​ണ് അ​മ​രാ​വ​തി ഡാ​മി​ലെ​ത്തു​ന്ന​ത്. ത​മി​ഴ്നാ​ട്, കേ​ര​ള മു​ഖ്യ​മ​ന്ത്രി​മാ​ർ ത​മ്മി​ലു​ള്ള ബ​ന്ധ​മാ​ണ് നി​ല​വി​ലു​ണ്ടാ​യ വി​വാ​ദ​ത്തി​നു പി​ന്നി​ലെ​ന്നാ​ണ് നാ​ട്ടു​കാ​രു​ടെ ആ​രോ​പ​ണം. അ​ണ്ണാ ഡി.​എം.​കെ ഉ​ൾ​പ്പെ​ടെ​യു​ള്ള നേ​താ​ക്ക​ൾ, ചി​ല​ന്തി​യാ​റി​ൽ അ​ണ​ക്കെ​ട്ട് നി​ർ​മി​ച്ച് വെ​ള്ളം മു​ഴു​വ​ൻ എ​ടു​ക്കു​ന്നു​വെ​ന്ന ത​ര​ത്തി​ലാ​ണ് വ്യാ​ജ പ്ര​ചാ​ര​ണം ന​ട​ത്തു​ന്ന​ത്. ഇ​പ്പോ​ൾ ഉ​യ​ർ​ന്നു​വ​രു​ന്ന​ത് അ​നാ​വ​ശ്യ വി​വാ​ദ​മാ​ണെ​ന്നും പ​റ​ഞ്ഞു.

സം​സ്ഥാ​ന സ​ർ​ക്കാ​റോ, ത​മി​ഴ്നാ​ട് സ​ർ​ക്കാ​റോ ത​ട​യ​ണ നി​ർ​മാ​ണ​ത്തി​നെ​തി​രെ പ​രാ​മ​ർ​ശ​ങ്ങ​ൾ ന​ട​ത്തി​യി​ട്ടി​ല്ലാ​ത്ത​തി​നാ​ൽ ത​ട​യ​ണ നി​ർ​മാ​ണ​ത്തി​ന് എ​ല്ലാ സം​ര​ക്ഷ​ണ​വും ന​ൽ​കു​മെ​ന്നും നേ​താ​ക്ക​ൾ പ​റ​ഞ്ഞു. പ​ഞ്ചാ​യ​ത്ത് വൈ​സ് പ്ര​സി​ഡ​ൻ​റ് സി. ​മ​നോ​ഹ​ര​ൻ, സി.​പി.​ഐ ലോ​ക്ക​ൽ സെ​ക്ര​ട്ട​റി എ​സ്. സെ​ന്തി​ൽ​കു​മാ​ർ, സി.​പി.​എം ലോ​ക്ക​ൽ സെ​ക്ര​ട്ട​റി പി. ​കു​മാ​ര​സ്വാ​മി, കോ​ൺ​ഗ്ര​സ് മ​ണ്ഡ​ലം പ്ര​സി​ഡ​ൻ​റ് ജി.​ആ​ർ. സേ​തു​രാ​മ​ൻ, ബി.​ജെ.​പി നേ​താ​ക്ക​ളാ​യ പാ​ണ്ഡ്യ​ൻ, രാ​മ​ർ, മു​ൻ പ​ഞ്ചാ​യ​ത്ത് പ്ര​സി​ഡ​ൻ​റ് പി. ​രാ​മ​രാ​ജ് എ​ന്നി​വ​രു​ടെ നേ​തൃ​ത്വ​ത്തി​ലു​ള്ള സം​ഘ​മാ​ണ് വെ​ള്ളി​യാ​ഴ്ച ചി​ല​ന്തി​യാ​റി​ൽ സ​ന്ദ​ർ​ശ​നം ന​ട​ത്തി​യ​ത്.