തൂക്കുപാലത്ത് വീണ്ടും മത്സ്യ വിഷബാധ

നെടുങ്കണ്ടം: ഭക്ഷ്യസുരക്ഷ വകുപ്പ് ജില്ലയില്‍ പരിശോധന ശക്തമാക്കുന്നതിനിടെ ​.​ വീട്ടമ്മയെ ആശുപത്രിയില്‍ പ്രവേശിപ്പിച്ചു. തൂക്കുപാലം വല്യാറചിറയില്‍ പുഷ്പവല്ലിക്കാണ് (59) ​വിഷബാധയേറ്റത്​. ബുധനാഴ്ച വാഹനത്തിൽ കൊണ്ടുവന്ന കേര മീൻ ഇവർ വാങ്ങിയിരുന്നു. ഉച്ചക്ക്​ ​മീൻ വറുത്ത്​ ചോറിനൊപ്പം കഴിച്ചു. ഉടൻ തലചുറ്റലും മറ്റ്​ അസ്വസ്ഥതകളും അനുഭവപ്പെട്ടു. അയൽവാസികളാണ്​ ആശുപത്രിയിൽ എത്തിച്ചത്​. നിലവില്‍ പനിയും ശ്വാസതടസ്സവുമുണ്ട്​. അയല്‍വാസി കേരയും മത്തിയും വാങ്ങിയിരുന്നു. മത്തി കറിവെച്ചു കഴിച്ചയാള്‍ക്ക് വയറുവേദന അനുഭവപ്പെട്ടെങ്കിലും കാര്യമാക്കിയില്ല. പുഷ്പവല്ലിക്ക് അസ്വസ്ഥത അനുഭവപ്പെട്ടതോടെ ഇവര്‍ മീന്‍ കഴിക്കാതെ നശിപ്പിച്ചു. ഒരാഴ്ചക്കിടെ രണ്ടാം തവണയാണ് തൂക്കുപാലത്ത്​ പച്ചമീന്‍ കറി കഴിച്ച ആളുകൾക്ക്​ അസ്വസ്ഥത ഉണ്ടാകുന്നത്. കഴിഞ്ഞ വ്യാഴാഴ്ച ഇവിടെ മീന്‍കറി കഴിച്ച കുട്ടികളടക്കം പലര്‍ക്കും വയറുവേദന അനുഭവപ്പെട്ടിരുന്നു. മീൻ കഴിച്ച പൂച്ചകള്‍ കൂട്ടത്തോടെ ചാകുകയും ചെയ്തു. idl ndkm കല്ലാറിലെ ആശുപത്രിയില്‍ കഴിയുന്ന പുഷ്പവല്ലി