അടിമാലി: വെള്ളത്തൂവല് ഗ്രാമപഞ്ചായത്തില് ഉള്പ്പെടുന്ന ആനവിരട്ടി- മാങ്കടവ്-ഇരുനൂറേക്കര് റോഡ് നിർമാണോദ്ഘാടനം അഡ്വ. ഡീന് കുര്യാക്കോസ് എം.പി നിര്വഹിച്ചു. വെള്ളത്തൂവല് ഗ്രാമപഞ്ചായത്ത് പ്രസിഡന്റ് മഞ്ജു ബിജു അധ്യക്ഷത വഹിച്ചു. ജില്ല പഞ്ചായത്ത് അംഗം സോളി ജീസസ്, അടിമാലി ബ്ലോക്ക് പഞ്ചായത്ത് അംഗം ബിന്ദു രാജേഷ്, കെ.ബി. ജോണ്സന്, എ.എന്. സജികുമാര്, റോയി പാലക്കല് തുടങ്ങിയവർ പങ്കെടുത്തു. പ്രധാനമന്ത്രി ഗ്രാമീണ സഡക് യോജനയിൽപെടുത്തിയാണ് ആറ് കിലോമീറ്ററിലധികം വരുന്ന റോഡിന്റെ നിർമാണം. കൊച്ചി-ധനുഷ്കോടി, അടിമാലി-കുമളി ദേശിയപാതകളെ ബന്ധിപ്പിക്കുന്ന ബൈപാസായി കൂടി ഈ പാത ഉപയോഗിക്കാം. എട്ട് മീറ്റര് വീതിയിലാണ് നിർമാണം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.