സ്വകാര്യ കമ്പനി നേതൃത്വത്തിലെ വൈദ്യുതി വിതരണം മുന്നറിയിപ്പില്ലാതെ തടസ്സപ്പെടുന്നു മൂന്നാർ: ടൗണിലും പരിസരങ്ങളിലും വൈദ്യുതി മുടക്കം പതിവായതോടെ വ്യാപാരികൾ സമരത്തിലേക്ക്. മൂന്നുമാസമായി തുടരുന്ന വൈദ്യുതി തടസ്സം വ്യാപാരമേഖലയെ തകർക്കുന്നതായി ആരോപിച്ച് വ്യാപാരി വ്യവസായി സമിതിയാണ് സമരരംഗത്ത്. മൂന്നാർ മേഖലയിൽ സ്വകാര്യകമ്പനി നടത്തുന്ന വൈദ്യുതി വിതരണമാണ് മുന്നറിയിപ്പില്ലാതെ തടസ്സപ്പെടുന്നത്. നൂറുകണക്കിന് വ്യാപാര സ്ഥാപനങ്ങളെയും മെഡിക്കൽ ഷോപ്പുകളെയും ഈ നടപടി പ്രതികൂലമായി ബാധിക്കുകയാണ്. തിങ്കൾ, ബുധൻ, വെള്ളി ദിവസങ്ങളിലാണ് വൈദ്യുതി പതിവായി മുടങ്ങുന്നതെന്നും ആരോപണമുണ്ട്. കോവിഡ് പ്രതിസന്ധിയെത്തുടർന്ന് ബുദ്ധിമുട്ടിലായവർക്ക് വൈദ്യുതി നിരക്കിൽ സർക്കാർ നൽകുന്ന ഒരുഇളവും മൂന്നാറിൽ ലഭിക്കുന്നില്ലെന്ന് സമിതി ഏരിയ പ്രസിഡൻറ് സി.എച്ച്. ജാഫർ പറഞ്ഞു. ആവർത്തിച്ച് പരാതികളും നിവേദനങ്ങളും നൽകിയിട്ടും അനുകൂല നിലപാട് ഉണ്ടായിട്ടില്ല. വൈദ്യുതി വിതരണം മൂന്നാറിൽ സുഗമമാക്കാൻ അധികൃതർ നടപടി സ്വീകരിച്ചില്ലെങ്കിൽ ശക്തമായ സമരം ആരംഭിക്കാനാണ് സമിതി തീരുമാനമെന്ന് അദ്ദേഹം അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.