പള്ളി വികാരി ചമഞ്ഞ് തട്ടിപ്പ് നടത്തിയ ആൾ പിടിയിൽ

കാ​ക്ക​നാ​ട്: പ​ള്ളി വി​കാ​രി ച​മ​ഞ്ഞ് ക​ന്യാ​സ്ത്രീ മ​ഠ​ങ്ങ​ളി​ൽ നി​ന്ന്​ ചി​കി​ത്സ ധ​ന​സ​ഹാ​യ​മ​റ​വി​ൽ ത​ട്ടി​പ്പ് ന​ട​ത്തി​യ പ​ത്ത​നം​തി​ട്ട സ്വ​ദേ​ശി​യെ തൃ​ക്കാ​ക്ക​ര പൊ​ലീ​സ് പി​ടി​കൂ​ടി. പ​ത്ത​നം​തി​ട്ട വെ​ച്ചൂ​ച്ചി​റ ആ​ലു​ക്ക​യി​ൽ മാ​ത്യു (73) ആ​ണ് പി​ടി​യി​ലാ​യ​ത്.

കാ​ക്ക​നാ​ട് അ​ത്താ​ണി സെ​ന്‍റ്​ മേ​രീ​സ് കാ​ത്ത​ലി​ക് പ​ള്ളി​യു​ടെ വ്യാ​ജ ലെ​റ്റ​ർ ഹെ​ഡും സീ​ലും ത​യ്യാ​റാ​ക്കി ഇ​യാ​ൾ ത​ട്ടി​പ്പ് പ​തി​വാ​ക്കി​യ​തി​നെ തു​ട​ർ​ന്ന് പ​ള്ളി സെ​ക്ര​ട്ട​റി ന​ൽ​കി​യ പ​രാ​തി​യി​ലാ​ണ് പൊ​ലീ​സ് കേ​സെ​ടു​ത്ത​ത്.

ക​ന്യാ​സ്ത്രീ മ​ഠ​ങ്ങ​ളി​ലെ​ത്തി ചി​കി​ത്സ സ​ഹാ​യ​ത്തി​നാ​യി​പ​ണം അ​ഭ്യ​ർ​ഥി​ച്ച ശേ​ഷം വെ​ച്ചൂ​ച്ചി​റ സ്വ​ദേ​ശി​യാ​യ സ്ത്രീ​യു​ടെ അ​ക്കൗ​ണ്ടി​ലേ​ക്ക് പ​ണം നി​ക്ഷേ​പി​ക്കാ​ൻ ആ​വ​ശ്യ​പ്പെ​ടു​ന്ന​താ​യി​രു​ന്നു ഇ​യാ​ളു​ടെ പ​തി​വ്. പി​ന്നീ​ട് ഈ ​അ​ക്കൗ​ണ്ടി​ൽ നി​ന്ന്​ പ്ര​തി ത​ന്നെ പ​ണം പി​ൻ​വ​ലി​ക്കും. കേ​ര​ള​ത്തി​ലും ക​ർ​ണാ​ട​ക​യി​ലും ത​മി​ഴ്നാ​ട്ടി​ലും ഇ​ത്ത​രം ത​ട്ടി​പ്പു​ക​ൾ ന​ട​ത്തി​യ​താ​യാ​ണ് പൊ​ലീ​സി​ന് ല​ഭി​ച്ച വി​വ​രം.

കൂ​ടു​ത​ൽ പേ​ർ ത​ട്ടി​പ്പി​നി​ര​യാ​യി​ട്ടു​ണ്ടോ​യെ​ന്നും പൊ​ലീ​സ് അ​ന്വേ​ഷ​ണം ആ​രം​ഭി​ച്ചു. പാ​ല​ക്കാ​ട്ടെ ഒ​ളി​സ​ങ്കേ​ത​തി​ൽ നി​ന്ന്​ തൃ​ക്കാ​ക്ക​ര പൊ​ലീ​സ് ഇ​ൻ​സ്പെ​ക്ട​ർ എ.​കെ. സു​ധീ​റി​ന്റെ നേ​തൃ​ത്വ​ത്തി​ൽ പൊ​ലീ​സ് ഓ​ഫി​സ​ർ​മാ​ര​യ സി​നാ​ജ്, ഇ.​കെ. സു​ജി​ത്, ഗു​ജ​റാ​ൾ സി. ​ദാ​സ് എ​ന്നി​വ​ര​ട​ങ്ങി​യ സം​ഘ​മാ​ണ് പ്ര​തി​യെ അ​റ​സ്റ്റ് ചെ​യ്ത​ത്. കോ​ട​തി​യി​ൽ ഹാ​ജ​രാ​ക്കി​യ പ്ര​തി​യെ റി​മാ​ൻ​ഡ് ചെ​യ്തു.