കുണ്ടേക്കാവ് പാലം നിർമാണം തുടങ്ങിയില്ല; ബണ്ട് നാട്ടുകാർക്ക് ദുരിതം

പ​റ​വൂ​ർ: കു​ണ്ടേ​ക്കാ​വ് പാ​ലം പു​ന​ർ​നി​ർ​മാ​ണ​ത്തി​നാ​യി പു​ത്ത​ൻ​തോ​ട്ടി​ൽ കെ​ട്ടി​യ ബ​ണ്ട് നാ​ട്ടു​കാ​ർ​ക്കും ക​ർ​ഷ​ക​ർ​ക്കും ദു​രി​ത​മാ​കു​ന്നു.

പാ​ലം ഗ​താ​ഗ​ത​യോ​ഗ്യ​മാ​കും വ​രെ ഇ​രു​ച​ക്ര​വാ​ഹ​ന​ങ്ങ​ൾ​ക്കും കാ​ൽ​ന​ട​ക്കാ​ർ​ക്കും സ​ഞ്ച​രി​ക്കാ​ൻ ബ​ണ്ട് നി​ർ​മി​ച്ചി​ട്ട് മാ​സം ഒ​മ്പ​താ​യി. പാ​ല​ത്തി​ന്‍റെ നി​ർ​മാ​ണോ​ദ്ഘാ​ട​നം ക​ഴി​ഞ്ഞെ​ങ്കി​ലും നി​ല​വി​ലെ പാ​ലം പൊ​ളി​ച്ചു​നീ​ക്കു​ന്ന​ത്​ ഉ​ൾ​പ്പെ​ടെ ഒ​രു ജോ​ലി​യും തു​ട​ങ്ങി​യി​ട്ടി​ല്ല. വീ​തി​കൂ​ടി​യ തോ​ട്ടി​ൽ ബ​ണ്ട് കെ​ട്ടി വെ​ള്ളം ഒ​ഴു​കാ​ൻ പൈ​പ്പ് സ്ഥാ​പി​ച്ചി​ട്ടു​ണ്ടെ​ങ്കി​ലും നീ​രൊ​ഴു​ക്ക് പൂ​ർ​ണ​മാ​യി നി​ല​ച്ച സ്ഥി​തി​യാ​ണ്. ഇ​തോ​ടെ കെ​ട്ടി​നി​ൽ​ക്കു​ന്ന ജ​ലം മ​ലി​ന​മാ​കാ​ൻ തു​ട​ങ്ങി.

മ​ത്സ്യ​ത്തൊ​ഴി​ലാ​ളി​ക​ളു​​ടെ തൊ​ഴി​ലി​നും ഭീ​ഷ​ണി​യാ​യി. സ​മീ​പ​ത്തെ പാ​ട​ശേ​ഖ​ര​ങ്ങ​ളി​ൽ പൊ​ക്കാ​ളി കൃ​ഷി ന​ട​ത്തു​ന്ന സ​മ​യ​മാ​ണി​ത്.

നീ​രൊ​ഴു​ക്ക് നി​ല​ച്ചാ​ൽ കൃ​ഷി ന​ശി​ക്കാ​ൻ സാ​ധ്യ​ത ഏ​റെ​യാ​ണ്. പാ​ലം പ​ണി വേ​ഗ​ത്തി​ൽ പൂ​ർ​ത്തീ​ക​രി​ക്കു​മെ​ന്ന് അ​ധി​കൃ​ത​ർ പ്ര​ഖ്യാ​പി​ച്ചെ​ങ്കി​ലും പു​രോ​ഗ​തി​യൊ​ന്നും ഉ​ണ്ടാ​യി​ട്ടി​ല്ല.

ജി​ഡ​യു​ടെ താ​ൽ​പ​ര്യ​ക്കു​റ​വ് മൂ​ലം വ​ർ​ഷ​ങ്ങ​ൾ​ക്ക് മു​മ്പ് നി​ർ​മാ​ണം ആ​രം​ഭി​ച്ച് പാ​തി​വ​ഴി​യി​ൽ നി​ല​ച്ച ചാ​ത്ത​നാ​ട് പാ​ലം, പെ​രു​മ്പ​ട​ന്ന-​ചാ​ത്ത​നാ​ട് തീ​ര​ദേ​ശ റോ​ഡ് എ​ന്നി​വ​യു​ടെ അ​തേ​ഗ​തി​ത​ന്നെ കു​ണ്ടേ​ക്കാ​വ് പാ​ലം നി​ർ​മാ​ണ​ത്തി​നും ഉ​ണ്ടാ​കു​മോ​യെ​ന്ന ആ​ശ​ങ്ക​യി​ലാ​ണ് നാ​ട്ടു​കാ​ർ.

പാ​ലം നി​ർ​മാ​ണം ഉ​ട​ൻ ആ​രം​ഭി​ക്ക​ണ​മെ​ന്നും ഇ​ല്ലെ​ങ്കി​ൽ നീ​രൊ​ഴു​ക്ക് ത​ട​സ്സ​പ്പെ​ടു​ത്തി കെ​ട്ടി​യ ബ​ണ്ട് പൊ​ളി​ച്ചു​മാ​റ്റ​ണ​മെ​ന്നും സി.​പി.​എം ഏ​ഴി​ക്ക​ര ലോ​ക്ക​ൽ ക​മ്മി​റ്റി ആ​വ​ശ്യ​പ്പെ​ട്ടു. പൊ​ക്കാ​ളി-​മ​ത്സ്യ​ക്ക​ർ​ഷ​ക​രു​ടെ ദു​രി​ത​ത്തി​ന് പ​രി​ഹാ​രം കാ​ണാ​നാ​യി​ല്ലെ​ങ്കി​ൽ സ​മ​രം തു​ട​ങ്ങു​മെ​ന്ന് ലോ​ക്ക​ൽ സെ​ക്ര​ട്ട​റി എ.​എ​സ്. ദി​ലീ​ഷ് മു​ന്ന​റി​യി​പ്പ് ന​ൽ​കി.