എസ്.ഐയെ ‘കാണാതായി’; വലഞ്ഞ് പൊലീസും വീട്ടുകാരും

കോ​ത​മം​ഗ​ലം: ജോ​ലി​ക്കാ​യി സ്റ്റേ​ഷ​നി​ലേ​ക്ക് പു​റ​പ്പെ​ട്ട എ​സ്.​ഐ​യെ കാ​ണാ​താ​യ​തി​നെ​ത്തു​ട​ർ​ന്ന് ര​ണ്ടു​ദി​വ​സം വ​ല​ഞ്ഞ് പൊ​ലീ​സും വീ​ട്ടു​കാ​രും.

കോ​ത​മം​ഗ​ലം സ്റ്റേ​ഷ​നി​ലെ ഗ്രേ​ഡ് എ​സ്.​ഐ പൈ​ങ്ങോ​ട്ടൂ​ർ മാ​മു​ട്ട​ത്ത് ഷാ​ജി പോ​ളി​നെ​യാ​ണ്​ (53) ചൊ​വ്വാ​ഴ്ച വൈ​കീ​ട്ട് മു​ത​ൽ കാ​ണാ​താ​യ​ത്. ചൊ​വ്വാ​ഴ്ച നൈ​റ്റ് ഡ്യൂ​ട്ടി​ക്ക്​ വീ​ട്ടി​ൽ​നി​ന്ന് കോ​ത​മം​ഗ​ല​ത്തി​ന് പു​റ​പ്പെ​ട്ട ഷാ​ജി അ​ങ്ങോ​ട്ട്​ പോ​കാ​തെ മൊ​ബൈ​ൽ ഫോ​ൺ സ്വി​ച്ച്ഓ​ഫ് ചെ​യ്ത് സ്വ​ന്തം ബൈ​ക്കി​ൽ തൊ​ടു​പു​ഴ​ക്ക് പോ​വു​ക​യാ​യി​രു​ന്നു. ജോ​ലി​ക്കെ​ത്താ​ത്ത​തി​നെ​ത്തു​ട​ർ​ന്ന് സ​ഹ​പ്ര​വ​ർ​ത്ത​ക​ർ ഷാ​ജി​യു​ടെ വീ​ട്ടു​കാ​രു​മാ​യി ബ​ന്ധ​പ്പെ​ട്ടു.

വീ​ട്ടു​കാ​ർ ആ​ളെ തി​ര​ഞ്ഞെ​ങ്കി​ലും ക​ണ്ടെ​ത്താ​നാ​യി​ല്ല. ബു​ധ​നാ​ഴ്ച രാ​വി​ലെ ബ​ന്ധു​ക്ക​ൾ പോ​ത്താ​നി​ക്കാ​ട് സ്റ്റേ​ഷ​നി​ൽ പ​രാ​തി ന​ൽ​കി. മൊ​ബൈ​ൽ ലൊ​ക്കേ​ഷ​നു​ക​ൾ കേ​ന്ദ്രീ​ക​രി​ച്ച് പൊ​ലീ​സ് തി​ര​ഞ്ഞെ​ങ്കി​ലും ക​ണ്ടെ​ത്താ​നാ​യി​ല്ല. ബു​ധ​നാ​ഴ്ച തൊ​ടു​പു​ഴ ഭാ​ഗ​ത്തു​നി​ന്ന് ട​വ​ർ സി​ഗ്ന​ൽ ല​ഭി​ച്ച​തോ​ടെ പൊ​ലീ​സ് തൊ​ടു​പു​ഴ​യി​ൽ എ​ത്തി​യെ​ങ്കി​ലും ഫോ​ൺ ഓ​ഫ് ചെ​യ്ത് ഇ​വി​ടെ​നി​ന്ന്​ മാ​റി​യി​രു​ന്നു. മൂ​വാ​റ്റു​പു​ഴ ടൗ​ണി​ലെ പേ ​ആ​ൻ​ഡ്​​ പാ​ർ​ക്കി​ൽ ബൈ​ക്ക് വെ​ച്ച് ബ​സി​ൽ മൂ​ന്നാ​റി​ന് പോ​വു​ക​യാ​യി​രു​ന്നു. രാ​ത്രി ഒ​മ്പ​തോ​ടെ മൂ​ന്നാ​റി​ലു​ണ്ടെ​ന്ന് ട​വ​ർ ലൊ​ക്കേ​ഷ​ൻ ല​ഭി​ച്ച​തോ​ടെ പൊ​ലീ​സ്​ മൂ​ന്നാ​റി​ലെ​ത്തി ഇ​യാ​ളെ ക​ണ്ടെ​ത്തു​ക​യാ​യി​രു​ന്നു. വ്യാ​ഴാ​ഴ്ച ഉ​ച്ച​യോ​ടെ പോ​ത്താ​നി​ക്കാ​ട് സ്റ്റേ​ഷ​നി​ലെ​ത്തി​ച്ച് മൊ​ഴി​യെ​ടു​ത്ത് കോ​ത​മം​ഗ​ലം കോ​ട​തി​യി​ൽ ഹാ​ജ​രാ​ക്കി. അ​വ​ധി ല​ഭി​ക്കാ​ത്ത​തും ജോ​ലി​ഭാ​ര​വും തു​ട​ർ​ച്ച​യാ​യി ഡ്യൂ​ട്ടി ചെ​യ്യേ​ണ്ടി വ​ന്ന​തു​മൂ​ല​മു​ണ്ടാ​യ മാ​ന​സി​ക സ​മ്മ​ർ​ദ​വു​മാ​ണ് മാ​റി​നി​ൽ​ക്കാ​ൻ കാ​ര​ണ​മാ​യ​തെ​ന്നാ​ണ്​ പ​റ​യ​പ്പെ​ടു​ന്ന​ത്.