കുട്ടമ്പുഴ ബ്ലാവനയിൽ താഴ്ചയിലേക്ക് മറിഞ്ഞ കാർ
കോതമംഗലം: കുട്ടമ്പുഴയിൽ കാർ താഴ്ചയിലേക്ക് മറിഞ്ഞ് കുട്ടിയുൾപ്പെടെ നാലുപേർക്ക് പരിക്കേറ്റു. കുട്ടമ്പുഴ, ബ്ലാവനക്ക് സമീപം ഞായറാഴ്ച വൈകീട്ടാണ് അപകടം. പൂയംകുട്ടിയിൽനിന്ന് മടങ്ങുകയായിരുന്ന കുട്ടമ്പുഴ സ്വദേശികളായ സംഘം സഞ്ചരിച്ചിരുന്ന കാർ പീച്ചക്കര വളവിൽ നിയന്ത്രണംവിട്ട് താഴ്ചയിലേക്ക് പതിക്കുകയായിരുന്നു.
മലയൻ കണ്ടത്തിൽ എം.ഡി. അജയൻ (47), മകൻ ആദിദേവ് അജയൻ (9), കോച്ചേരി ജോസഫ് ജോൺ (57), മാഞ്ഞുരാൻ ജോമോൻ എന്നിവർക്കാണ് പരിക്കേറ്റത്. ഇവരെ കോതമംഗലം ബസേലിയോസ് ആശുപത്രിയിൽ പ്രവേശിപ്പിച്ചു. ഗുരുതര പരിക്കേറ്റ ആദിദേവിനെ വിദഗ്ധ ചികിത്സക്കായി ആലുവ രാജഗിരി ആശുപത്രിയിലേക്ക് മാറ്റി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.