ഇനി സൈലൻസർ മാറ്റിക്കൊടുക്കുമോ? ഒരുലക്ഷം രൂപ പിഴ അടക്കേണ്ടിവരും

കാ​ക്ക​നാ​ട്: അ​ന​ധി​കൃ​ത​മാ​യി രൂ​പ​മാ​റ്റം വ​രു​ത്തു​ന്ന വാ​ഹ​ന​ങ്ങ​ൾ​ക്ക് പു​റ​മേ ഇ​തി​ന് സ​ഹാ​യി​ക്കു​ന്ന വ​ർ​ക്​​ഷോ​പ്പു​ക​ൾ​ക്കെ​തി​രെ​യും ന​ട​പ​ടി​യു​മാ​യി മോ​ട്ടോ​ർ വാ​ഹ​ന വ​കു​പ്പ്. വാ​ഹ​ന ഉ​ട​മ​യി​ൽ​നി​ന്ന് 5000 രൂ​പ ഈ​ടാ​ക്കു​മ്പോ​ൾ വ​ർ​ക്​​ഷോ​പ് അ​ധി​കൃ​ത​രി​ൽ​നി​ന്ന് ഒ​രു​ല​ക്ഷം രൂ​പ ഈ​ടാ​ക്കാ​നാ​ണ് തീ​രു​മാ​നം. ക​ഴി​ഞ്ഞ​ദി​വ​സം എ​ട്ട് വ​ർ​ക്​​ഷോ​പ്പു​ക​ളി​ലാ​യി​രു​ന്നു പ​രി​ശോ​ധ​ന. എ​റ​ണാ​കു​ളം ആ​ർ.​ടി.​ഒ​യു​ടെ നേ​തൃ​ത്വ​ത്തി​ൽ ന​ട​ത്തി​യ പ​രി​ശോ​ധ​ന​യി​ൽ 20 കേ​സു​ക​ൾ ര​ജി​സ്റ്റ​ർ ചെ​യ്തു. വാ​ഹ​ന​ങ്ങ​ളു​ടെ ഷോ​റൂ​മു​ക​ളി​ൽ പ്ര​വ​ർ​ത്തി​ക്കു​ന്ന​ത് ഉ​ൾ​പ്പെ​ടെ​യാ​ണ് എ​ട്ട് വ​ർ​ക്​​ഷോ​പ്പു​ക​ൾ​ക്കെ​തി​രെ ന​ട​പ​ടി എ​ടു​ത്ത​ത്. ഇ​വ​ർ​ക്ക് കാ​ര​ണം കാ​ണി​ക്ക​ൽ നോ​ട്ടീ​സ് ഉ​ൾ​പ്പെ​ടെ ന​ൽ​കും.

അ​തി​നു​ശേ​ഷ​മാ​കും തു​ട​ർ​ന​ട​പ​ടി​ക​ളി​ലേ​ക്ക് പോ​കു​ക. മൊ​ബി​ലി​റ്റി ഹ​ബ്ബ്, റെ​യി​ൽ​വേ സ്റ്റേ​ഷ​ൻ ഉ​ൾ​പ്പെ​ടെ​യു​ള്ള പൊ​തു​സ്ഥ​ല​ങ്ങ​ളി​ൽ പാ​ർ​ക്ക് ചെ​യ്തി​രു​ന്ന വാ​ഹ​ന​ങ്ങ​ൾ കേ​ന്ദ്രീ​ക​രി​ച്ചു​ള്ള പ​രി​ശോ​ധ​ന​യി​ൽ 12 കേ​സു​ക​ളാ​ണ് ര​ജി​സ്റ്റ​ർ ചെ​യ്ത​ത്. ഇ​വ​ർ​ക്ക് നോ​ട്ടീ​സ് ന​ൽ​കാ​നാ​ണ് തീ​രു​മാ​നം. വ​രും ദി​വ​സ​ങ്ങ​ളി​ലും പ​രി​ശോ​ധ​ന ശ​ക്ത​മാ​ക്കു​മെ​ന്ന് അ​ധി​കൃ​ത​ർ അ​റി​യി​ച്ചു.

2019ലെ ​പു​തു​ക്കി​യ ദേ​ശീ​യ റോ​ഡ് നി​യ​മ​ങ്ങ​ളു​ടെ അ​ടി​സ്ഥാ​ന​ത്തി​ലാ​ണ് ന​ട​പ​ടി. ഇ​ത് പ്ര​കാ​രം വ​ർ​ക്​​ഷോ​പ്പു​ക​ളെ ഡീ​ല​ർ​മാ​രു​ടെ പ​ട്ടി​ക​യി​ലാ​ണ് ഉ​ൾ​പ്പെ​ടു​ത്തി​യി​ട്ടു​ള്ള​ത്. ഈ ​വ​കു​പ്പ് മു​ത​ലെ​ടു​ത്താ​ണ് ശ​ക്ത​മാ​യ ന​ട​പ​ടി​ക്ക് ഒ​രു​ങ്ങു​ന്ന​ത്. ആ​ദ്യ​ഘ​ട്ട​ത്തി​ൽ സൈ​ല​ൻ​സ​റു​ക​ൾ മാ​റ്റി​വെ​ച്ച വാ​ഹ​ന​ങ്ങ​ളെ​യാ​ണ് പി​ടി​കൂ​ടു​ന്ന​ത്. പ​രി​ശോ​ധ​ന​ക​ൾ​ക്കി​ട​യി​ൽ കൈ​കാ​ണി​ച്ചാ​ലും ഇ​ത്ത​ര​ക്കാ​ർ നി​ർ​ത്താ​തെ​പോ​കു​ന്ന​ത് സ്ഥി​രം​സം​ഭ​വ​മാ​ണ്. ഇ​ത്​ പ​രി​ഗ​ണി​ച്ച് പൊ​തു പാ​ർ​ക്കി​ങ്ങു​ക​ൾ കേ​ന്ദ്രീ​ക​രി​ച്ച് പ​രി​ശോ​ധ​ന ശ​ക്ത​മാ​ക്കാ​നാ​ണ് തീ​രു​മാ​നം.