ഷാജഹാൻ, നോബിൾ കുമാർ, സിജോ ജോസഫ്, നവാസ്
കൊച്ചി: കോർപറേഷൻ ഉപരോധത്തിനിടെ കോർപറേഷൻ സെക്രട്ടറിയെയും ജീവനക്കാരെയും ആക്രമിച്ച സംഭവത്തിൽ കോൺഗ്രസ് പ്രവർത്തകർ പിടിയിൽ. കഴിഞ്ഞ 16ന് കൊച്ചി കോർപറേഷൻ ഓഫിസ് യു.ഡി.എഫ് ഉപരോധിച്ചപ്പോൾ ഓഫിസിൽ ജോലിക്ക് എത്തിയ കോർപറേഷൻ സെക്രട്ടറിയെയും ജീവനക്കാരെയുമാണ് കോൺഗ്രസ് പ്രവർത്തകർ മർദിച്ചത്.
ഇതുമായി ബന്ധപ്പെട്ട് മൂന്ന് കേസുകളാണ് സെൻട്രൽ പൊലീസ് സ്റ്റേഷനിൽ രജിസ്റ്റർ ചെയ്തത്. യൂത്ത് കോൺഗ്രസ് സംസ്ഥാന സെക്രട്ടറി എറണാകുളം കങ്ങരപ്പടി, വടകോട്, പരുത്തിക്കൽ വീട്ടിൽ പി.വൈ. ഷാജഹാൻ (34), യൂത്ത് കോൺഗ്രസ് ജില്ല സെക്രട്ടറി ചെറായി ഗൗരീശ്വരം ക്ഷേത്രത്തിന് പുറകുവശം പെരുന്തോടത്ത് വീട്ടിൽ നോബിൾ കുമാർ (34), യൂത്ത് കോൺഗ്രസ് എറണാകുളം ബ്ലോക്ക് പ്രസിഡന്റ് എറണാകുളം വടുതല ഗ്രീൻ ലൈൻ റോഡിൽ പൂതംപിള്ളി വീട്ടിൽ സിജോ ജോസഫ് (29), എറണാകുളം പുല്ലേപ്പടി സി.പി ഉമ്മർ റോഡിൽ കക്കാട്ട് വീട്ടിൽ നവാസ് (55) എന്നിവരെയാണ് അറസ്റ്റ് ചെയ്തത്.
കേസെടുത്തത് അറിഞ്ഞ് ഒളിവിൽപോയ പ്രതികളെ പൊലീസ് സൈബർ സെല്ലിന്റെ സഹായത്തോടെ പിടികൂടുകയായിരുന്നു. എറണാകുളം പൊലീസ് സ്റ്റേഷൻ ഇൻസ്പെക്ടർ എസ്. വിജയശങ്കറിന്റെ നേതൃത്വത്തിലുള്ള സംഘമാണ് വിവിധ സ്ഥലങ്ങളിൽനിന്ന് പ്രതികളെ അറസ്റ്റ് ചെയ്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.