കോതാട്-മൂലമ്പിള്ളി, മുളവുകാട്-മൂലമ്പിള്ളി: പാലങ്ങളുടെ സുരക്ഷയിൽ ആശങ്ക

കൊ​ച്ചി: കോ​താ​ട്- മൂ​ല​മ്പ​ിള്ളി, മു​ള​വു​കാ​ട്- മൂ​ല​മ്പി​ള്ളി പാ​ല​ങ്ങ​ളു​ടെ സു​ര​ക്ഷ​യി​ൽ ആ​ശ​ങ്ക നി​റ​ഞ്ഞ​തോ​ടെ വി​ദ​ഗ്ധ സം​ഘ​ത്തി​ന്‍റെ പ​രി​ശോ​ധ​ന. നാ​ഷ​ന​ൽ ഹൈ​വേ അ​തോ​റി​റ്റി ഓ​ഫ് ഇ​ന്ത്യ​യു​ടെ നേ​തൃ​ത്വ​ത്തി​ലു​ള്ള സം​ഘ​മാ​ണ് പ​രി​ശോ​ധ​ന ന​ട​ത്തി​യ​ത്. വ​രും ദി​വ​സ​ങ്ങ​ളി​ൽ വി​ശ​ദ പ​രി​ശോ​ധ​ന​യും ന​ട​പ​ടി​ക​ളു​മു​ണ്ടാ​കു​മെ​ന്നാ​ണ് അ​ധി​കൃ​ത​രി​ൽ നി​ന്ന്​ ല​ഭി​ക്കു​ന്ന വി​വ​രം.

നാ​ഷ​ന​ൽ ഹൈ​വേ അ​തോ​റി​റ്റി ഓ​ഫ് ഇ​ന്ത്യ​യു​ടെ അ​ധി​കാ​ര പ​രി​ധി​യി​ലു​ള്ള ക​ണ്ടെ​യ്‌​ന​ർ റോ​ഡി​ലാ​ണ് കോ​താ​ട്-​മൂ​ല​മ്പി​ള്ളി, മു​ള​വു​കാ​ട്-​മൂ​ല​മ്പി​ള്ളി പാ​ല​ങ്ങ​ൾ സ്ഥി​തി ചെ​യ്യു​ന്ന​ത്. പാ​ല​ങ്ങ​ളു​ടെ സു​ര​ക്ഷി​ത​ത്വം സം​ബ​ന്ധി​ച്ച് പ്ര​ദേ​ശ​വാ​സി​ക​ളും മ​ത്സ്യ​തൊ​ഴി​ലാ​ളി​ക​ളും ആ​ശ​ങ്ക പ​ങ്കു​വെ​ച്ചി​രു​ന്നു.

പാ​ല​ങ്ങ​ളു​ടെ തൂ​ണു​ക​ളെ ഭൂ​മി​യു​മാ​യി ബ​ന്ധി​പ്പി​ക്കു​ന്ന ഭാ​ഗ​ത്ത് കോ​ൺ​ക്രീ​റ്റ് അ​ട​ർ​ന്നും വെ​ള്ള​ത്തി​ൽ ല​യി​ച്ചും മ​റ്റും കോ​ൺ​ക്രീ​റ്റ് വ​ലി​യ തോ​തി​ൽ ന​ശി​ച്ചി​രി​ക്കു​ക​യാ​ണ്. ക​മ്പി​ക​ൾ പു​റ​ത്തു കാ​ണു​ന്ന സ്ഥി​തി​യി​ലാ​ണ് ഈ ​ഭാ​ഗം. വേ​ലി​യി​റ​ക്ക സ​മ​യ​ത്ത് പാ​ല​ത്തി​ന്‍റെ തൂ​ണു​ക​ളു​ടെ ദ്ര​വി​ച്ച ഭാ​ഗം പു​റ​ത്ത് കാ​ണാം.

കോ​ടാ​ട്- മൂ​ല​മ്പി​ള്ളി പാ​ല​ത്തി​ന്‍റെ 12 ഓ​ളം തൂ​ണു​ക​ളാ​ണ് അ​പ​ക​ട സാ​ഹ​ച​ര്യ​ത്തി​ലു​ള്ള​തെ​ന്ന് പ​ഞ്ചാ​യ​ത്ത് അം​ഗം അ​ഗ​സ്റ്റി​ൻ ഹൈ​ബി​ൻ പ​റ​ഞ്ഞു. മ​ത്സ്യ​തൊ​ഴി​ലാ​ളി​ക​ളു​ടെ സ​ഹാ​യ​ത്തോ​ടെ പ​രി​ശോ​ധി​ച്ച​പ്പോ​ൾ പാ​ല​ത്തി​ന​ടി​യി​ൽ കോ​ൺ​ക്രീ​റ്റ് അ​ട​ർ​ന്ന് ക​മ്പി പു​റ​ത്തേ​ക്ക് നി​ൽ​ക്കു​ന്ന​താ​യാ​ണ് വ്യ​ക്ത​മാ​കു​ന്ന​ത്.

ആ​ശ​ങ്ക​യു​ണ്ടാ​ക്കു​ന്ന സാ​ഹ​ച​ര്യ​മാ​ണി​ത്. മൂ​ന്ന് അ​ടി​യോ​ളം നീ​ള​മു​ള്ള അ​ലൂ​മി​നി​യം പൈ​പ്പ് തൂ​ണി​ന​ടി​യി​ലേ​ക്ക് ഇ​റ​ക്കി​യ​പ്പോ​ൾ പൂ​ർ​ണ​മാ​യും അ​ക​ത്തേ​ക്ക് ക​ട​ന്നു​പോ​കു​ന്ന സ്ഥി​തി​യാ​ണു​ണ്ടാ​യ​ത്. ക​മ്പി​ക​ൾ കൂ​ടി ദ്ര​വി​ച്ചാ​ൽ വ​ലി​യ പ്ര​തി​സ​ന്ധി​യു​ണ്ടാ​കു​മെ​ന്നും അ​ദ്ദേ​ഹം പ​റ​ഞ്ഞു. 

വേ​ഗപ​രി​ധി ബോ​ർ​ഡ് സ്ഥാ​പി​ച്ചു

പാ​ല​ത്തി​ന്‍റെ സു​ര​ക്ഷ​യു​മാ​യി ബ​ന്ധ​പ്പെ​ട്ട ആ​ശ​ങ്ക പു​റ​ത്തു​വ​ന്ന​തോ​ടെ ഇ​വി​ടെ വേ​ഗ പ​രി​ധി ബോ​ർ​ഡ് സ്ഥാ​പി​ച്ചി​ട്ടു​ണ്ട്. മ​ണി​ക്കൂ​റി​ൽ 20 കി​ലോ​മീ​റ്റ​ർ വേ​ഗ​ത​യി​ൽ മാ​ത്ര​മെ വാ​ഹ​നം ഇ​തു​വ​ഴി ഓ​ടി​ക്കാ​വു എ​ന്നാ​ണ് ബോ​ർ​ഡി​ലു​ള്ള​ത്. വി​ദ്യാ​ർ​ഥി​ക​ൾ, രോ​ഗി​ക​ൾ തു​ട​ങ്ങി നി​ര​വ​ധി ആ​ളു​ക​ളും,ക​ണ്ടെ​യ്ന​റു​ക​ള​ട​ക്കം വാ​ഹ​ന​ങ്ങ​ളും ക​ട​ന്നു​പോ​കു​ന്ന സു​പ്ര​ധാ​ന പാ​ത​യി​ലാ​ണ് പാ​ല​ങ്ങ​ളു​ടെ സു​ര​ക്ഷ​യി​ൽ ആ​ശ​ങ്ക ഉ‍യ​ർ​ന്നി​രി​ക്കു​ന്ന​ത്.

ക​ണ്ടെ​യ്ന​ർ റോ​ഡി​ലെ പാ​ലം നി​ർ​മാ​ണ​ത്തി​ലെ അ​ശാ​സ്ത്രീ​യ​ത​യി​ൽ മു​മ്പും പ​രാ​തി​ക​ൾ ഉ​യ​ർ​ന്നി​രു​ന്നു. മൂ​ല​മ്പി​ള്ളി- കോ​താ​ട് പാ​ല​ത്തി​ന്‍റെ മ​ധ്യ​ത്തി​ലു​ള്ള ഗ​ർ​ഡ​ർ ത​ക​ർ​ന്ന് കു​ഴി രൂ​പ​പ്പെ​ട്ടി​രു​ന്നു. പാ​ല​ത്തി​ന്‍റെ ഒ​രു ഭാ​ഗം ഗ​താ​ഗ​തം ത​ട​ഞ്ഞാ​ണ് അ​റ്റ​കു​റ്റ​പ​ണി അ​ന്ന് ന​ട​ത്തി​യ​ത്.

വേ​ണ്ട​ത്​ അ​ടി​യ​ന്ത​ര ന​ട​പ​ടി

സു​ര​ക്ഷാ ഭീ​ഷ​ണി​യു​ള്ള പാ​ല​ങ്ങ​ളു​ടെ ഘ​ട​നാ​പ​ര​മാ​യ സ്ഥി​ര​ത വി​ല​യി​രു​ത്താ​നും ന​ട​പ​ടി​യെ​ടു​ക്കാ​നും അ​ടി​യ​ന്ത​ര ന​ട​പ​ടി സ്വീ​ക​രി​ക്ക​ണ​മെ​ന്ന് ആ​വ​ശ്യ​പ്പെ​ട്ട് ഹൈ​ബി ഈ​ഡ​ൻ എം.​പി​യും ടി.​ജെ. വി​നോ​ദ് എം.​എ​ൽ.​എ​യു​മ​ട​ക്കം രം​ഗ​ത്തെ​ത്തി​യി​ട്ടു​ണ്ട്.

പാ​ല​ങ്ങ​ൾ​ക്ക് സം​ഭ​വി​ച്ച നാ​ശ​ത്തി​ന്‍റെ വ്യാ​പ്തി നി​ർ​ണ​യി​ച്ച്, പു​ന​രു​ദ്ധാ​ര​ണ​ത്തി​ന് ഉ​ചി​ത​മാ​യ ന​ട​പ​ടി​ക​ളു​ണ്ടാ​ക​ണ​മെ​ന്നാ​ണ് നാ​ട്ടു​കാ​രു​ടെ​യും ആ​വ​ശ്യം. ബ​ല​ക്ഷ​യം ഇ​ല്ലെ​ന്നു​റ​പ്പാ​ക്കും വി​ധ​മു​ള്ള പ്ര​വ​ർ​ത്ത​ന​ങ്ങ​ളാ​ണ് ന​ട​ക്കേ​ണ്ട​ത്. ഇ​തി​ന് ആ​വ​ശ്യ​മാ​യ ഫ​ണ്ട് അ​നു​വ​ദി​ക്ക​ണ​മെ​ന്നും എം.​പി ആ​വ​ശ്യ​പ്പെ​ട്ടി​ട്ടു​ണ്ട്.