പള്ളിക്കര: മദ്യലഹരിയില്‍ ഭാര്യയെ വെട്ടിപ്പരിക്കേല്‍പിച്ച കേസില്‍ ഭര്‍ത്താവ് അറസ്റ്റില്‍. മോറക്കാല പിണര്‍മുണ്ട പാപ്പാരില്‍ അജി വര്‍ഗീസിനെയാണ് (39) അമ്പലമേട് പൊലീസ് അറസ്റ്റ് ചെയ്തത്. ഭാര്യ ബീനയുടെ തലക്കേറ്റ പരിക്ക് ഗുരുതരമാണ്.
വെള്ളിയാഴ്ച രാത്രി ഒമ്പതോടെയാണ് സംഭവം. ഭാര്യയെ വെട്ടിയശേഷം സഹോദരനെ ഫോണില്‍ വിളിച്ചുപറയുകയായിരുന്നു അജി. സഹോദരന്‍ എത്തിയപ്പോള്‍ ചോരയില്‍ കുളിച്ചുകിടക്കുന്ന ബീനയെയാണ് കണ്ടത്. ഉടന്‍ നാട്ടുകാരുടെ സഹായത്തോടെ പൊലീസില്‍ വിവരം അറിയിക്കുകയും ആശുപത്രിയില്‍ എത്തിക്കുകയുമായിരുന്നു. ഡ്രൈവറായ അജി നിത്യവും മദ്യലഹരിയില്‍ വീട്ടിലെത്തി അക്രമം പതിവാണെന്ന് നാട്ടുകാർ പറയുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.