ഹോസ്റ്റലിലെ നിയന്ത്രണങ്ങൾ: ആലുവ യു.സി കോളജിൽ വിദ്യാർഥിനികളുടെ രാത്രി സമരം

ആലുവ: യു.സി കോളജിൽ വിദ്യാർഥിനികളുടെ രാത്രി സമരം. രാത്രി കോളജ് കവാടത്തിന് മുന്നിൽ ലേഡീസ് ഹോസ്റ്റലിലെ മുഴുവൻ വിദ്യാർഥിനികളും കുത്തിയിരുന്നു കൊണ്ടാണ് സമരം ചെയ്തത്.

വിദ്യാർഥിനികളെ ഞായറാഴ്ച ദിവസങ്ങളിൽ പുറത്തേക്ക് വിടുന്നില്ല എന്നതാണ്​ ​പ്രധാന ആക്ഷേപം. ഹോസ്റ്റലിൽ കയറേണ്ട സമയം ആൺകുട്ടികളുടേതും പെൺകുട്ടികളുടേതും രണ്ടു തരത്തിലാക്കുകയും ചെയ്തു. ഇത്തരം നിയന്ത്രണങ്ങളിൽ പ്രതിഷേധിച്ചാണ് പെൺകുട്ടികൾ സമരവുമായി മുന്നിട്ട് ഇറങ്ങിയത്.

അനുകൂലമായ തീരുമാനം ഉണ്ടാകും വരെ സമരം തുടരുവാനാണ് വിദ്യാർഥിനികളുടെ തീരുമാനം. കോളജ് ലേഡീസ് ഹോസ്റ്റൽ കമ്മിറ്റിയുടെ നേതൃത്വത്തിലാണ് സമരം.