പിടിയിലായ പ്രതികൾ
മട്ടാഞ്ചേരി: 13കാരനെ തടഞ്ഞുനിർത്തി മൊബൈൽ ഫോണും പണവും കവർന്ന രണ്ട് പ്രതികളെ പൊലീസ് അറസ്റ്റ് ചെയ്തു. മട്ടാഞ്ചേരി പുത്തൻ വീട്ടിൽ ഹൻസിൽ (18), ജ്യൂടൗണിൽ താമസിക്കുന്ന സുഹൈൽ (19) എന്നിവരെയാണ് അറസ്റ്റ് ചെയ്തത്.
മട്ടാഞ്ചേരി കൂവപ്പാടം സുജാത ജങ്ഷന് സമീപം നടന്നു പോവുകയായിരുന്ന 13കാരനെ തടഞ്ഞ് നിർത്തി 15,000 രൂപ വില വരുന്ന മൊബൈൽ ഫോണും പണവും കവരുകയായിരുന്നു. മോഷ്ടിച്ച മൊബൈൽ ഫോൺ എറണാകുളത്ത് ഷോപ്പിൽ വിൽക്കാൻ ശ്രമിക്കവെ പൊലീസിന് ലഭിച്ച രഹസ്യവിവരത്തെ തുടർന്ന് മട്ടാഞ്ചേരി പൊലീസ് ഇൻസ്പെക്ടർ തൃദീപ് ചന്ദ്രന്റെ നേതൃത്വത്തിലെത്തിയ സംഘം പിടികൂടുകയായിരുന്നു.
എസ്.ഐ ഹരിശങ്കർ, സീനിയർ സി.പി.ഒമാരായ ശ്രീകുമാർ, അനീഷ്, ഇഗ്നേഷ്യസ്, സി.പി.ഒ സെബാസ്റ്റ്യൻ എന്നിവരും സംഘത്തിലുണ്ടായിരുന്നു. പ്രതികൾ കോഴിക്കോട് കസബ സ്റ്റേഷനിൽ മോഷണക്കേസുമായി ബന്ധപ്പെട്ട് ജാമ്യത്തിൽ ഇറങ്ങിയവരാണെന്നും മറ്റുമോഷണങ്ങൾ നടത്തിയിട്ടുണ്ടോ എന്ന് അന്വേഷിച്ചു വരികയാണെന്നും പൊലീസ് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.