ekd Raju Jacob 52 pbvr 1 പെരുമ്പാവൂർ: റോഡിലെ കുഴിയിൽ വീണ് നിയന്ത്രണം വിട്ട ബൈക്ക് കനാലിലേക്ക് മറിഞ്ഞ് പെരുമ്പാവൂർ ട്രാഫിക് സ്റ്റേഷനിലെ ഗ്രേഡ് എസ്.ഐ മരിച്ചു. കുറുപ്പംപടി മൂത്തേടൻ വീട്ടിൽ രാജു ജേക്കബാണ് (52) മരിച്ചത്. മലയാറ്റൂരിൽ ഡ്യൂട്ടിക്ക് പോകുംവഴി കിഴക്കേ ഐമുറിയിൽ ഞായറാഴ്ച രാവിലെ ആറിനാണ് അപകടം. ടാറിങ് ഇളകിയ റോഡിലെ കുഴിയിൽ വീണ് നിയന്ത്രണം വിട്ട ബൈക്ക് കനാലിലേക്ക് തെറിച്ചുവീണ് തലക്ക് ഗുരുതര പരിക്കേറ്റു. നാട്ടുകാർ രാജുവിനെ കരക്കെത്തിച്ച് പെരുമ്പാവൂരിലെ സ്വകാര്യ ആശുപത്രിയിൽ പ്രാഥമിക ശുശ്രൂഷ നൽകിയ ശേഷം വിദഗ്ധ ചികിത്സക്ക് കളമശ്ശേരി മെഡിക്കൽ കോളജ് ആശുപത്രിയിലേക്ക് കൊണ്ടുപോകും വഴിയാണ് മരിച്ചത്. കനാലിൽ വെള്ളമില്ലായിരുന്നു. ഹെൽമറ്റ് ധരിച്ചിരുന്നെങ്കിലും തലക്ക് പിന്നിൽ പരിക്കേറ്റു. പിതാവ്: പരേതനായ ജേക്കബ്. മാതാവ്: അന്നമ്മ. ഭാര്യ: ബിജി. മക്കൾ: അൽന, അജിൽ. തിങ്കളാഴ്ച രാവിലെ 8.30ന് ട്രാഫിക് സ്റ്റേഷനിൽ പൊതു ദർശനത്തിനുവെക്കുന്ന മൃതദേഹം ഉച്ചക്ക് 11.30ന് കുറുപ്പംപടി മർത്തമറിയം കത്തീഡ്രൽ യാക്കോബായ പള്ളി സെമിത്തേരിയിൽ സംസ്കരിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.