കാക്കനാട്: പണിമുടക്കിന്റെ പേരിൽ വൈദ്യുതി നിഷേധിച്ചതായി പരാതി. കാക്കനാടിന് സമീപം നിലംപതിഞ്ഞിമുകൾ മാപ്രാണം ഭാഗത്തെ നാല് വീടുകളിലാണ് വൈദ്യുതി തടസ്സം നേരിട്ടിട്ടും നന്നാക്കാൻ ഉദ്യോഗസ്ഥൻ എത്താതിരുന്നത്. ഞായറാഴ്ച വൈകീട്ട് പെയ്ത മഴയിലായിരുന്നു ഇവിടത്തെ നാല് വീടുകളിലും ഒരുകടയിലും വൈദ്യുതിബന്ധം തകരാറിലായത്. മഴയെത്തുടർന്ന് പ്രദേശത്തെ മുഴുവൻ വീടുകളിലും വൈദ്യുതി നിലച്ചു. രാത്രിയോടെ വൈദ്യുതി വന്നെങ്കിലും ഒരുലൈനിലുള്ള ഏതാനും വീടുകളിൽ മാത്രം പഴയ സ്ഥിതിതന്നെയായിരുന്നു. തുടർന്ന് വീട്ടുകാർ വൈദ്യുതി ബോർഡിനെ വിവരമറിയിച്ചെങ്കിലും ഒന്നുരണ്ട് വീടുകൾക്കുവേണ്ടി മാത്രം വരാനാകില്ല എന്നായിരുന്നു ആദ്യ മറുപടി. പിന്നീട് വിളിച്ചപ്പോഴാണ് പണിമുടക്കായതിനാൽ എത്താൻ കഴിയില്ലെന്ന് പറഞ്ഞതെന്ന് വൈദ്യുതി തടസ്സം നേരിട്ടവർ പറഞ്ഞു. ആവശ്യത്തിന് ജീവനക്കാരില്ലാത്തതിനാൽ വരാൻ കഴിയില്ലെന്നായിരുന്നു വൈദ്യുതി ബോർഡ് ജീവനക്കാരുടെ വാദം. ഒടുവിൽ അറ്റകുറ്റപ്പണിക്കായി വരാം എന്നുപറഞ്ഞെങ്കിലും തിങ്കളാഴ്ച വൈകീട്ടോടെ എത്തി വൈദ്യുതി തടസ്സം പരിഹരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.