വീട് കുത്തിത്തുറന്ന് മോഷണം

കോതമംഗലം: മാതിരപ്പള്ളി പള്ളിപ്പടിയിൽ . കല്ലുങ്ങൽ യോഹന്നാന്‍റെ വീട്ടിൽനിന്ന്​ 16 പവനോളം ആഭരണവും 26,000 രൂപയും മോഷ്ടിച്ചു. ചൊവ്വാഴ്ച പുലർച്ചയാണ് സംഭവം. വീടിന്​ മുൻവശത്തെ വാതിലിന്‍റെ പൂട്ട്​ തകർത്താണ്​ മോഷ്ടാവ് അകത്തുകടന്നത്. രണ്ട് മുറിയിലെ അലമാരകളിൽനിന്നാണ് സ്വർണം കവർന്നത്. രാവിലെ മുൻവശത്തെ വാതിൽ തുറന്നുകിടക്കുന്നത് കണ്ട് നടത്തിയ പരിശോധനയിലാണ് മോഷണം വീട്ടുകാർ അറിയുന്നത്. സമീപത്തെ രണ്ട് വീട്ടിലും മോഷണശ്രമം നടത്തിയെങ്കിലും വിജയിച്ചില്ല. കോതമംഗലം പൊലീസ് കേസെടുത്തു.