കായംകുളം: 'വംശീയതയുടെ ബുൾഡോസറുകൾ ഉരുളുന്ന കാലത്ത് മുഹമ്മദ് നബിയെക്കുറിച്ച് സംസാരിക്കാം' എന്ന തലക്കെട്ടിൽ ജമാഅത്തെ ഇസ്ലാമി വ്യാപാരഭവനിൽ നടത്തിയ ചർച്ചാ സദസ്സ് ശ്രദ്ധേയമായി. ദർശനങ്ങളുടെ വൈവിധ്യവും മനുഷ്യരുടെ ഒത്തൊരുമയുമാണ് രാജ്യത്തിന്റെ സമ്പത്ത് എന്നും അതിനെ ഇല്ലാതാക്കി വംശീയതയും വർഗീയതയും പടർത്താനാണ് അധികാരത്തിന്റെ മറവിൽ രാജ്യത്ത് നടക്കുന്നതെന്നും ചർച്ചയിൽ പങ്കെടുത്തവർ അഭിപ്രായപ്പെട്ടു. ഏരിയ പ്രസിഡന്റ് എസ്. മുജീബ് റഹ്മാൻ അധ്യക്ഷത വഹിച്ചു. ജില്ല കമ്മിറ്റി അംഗം ഹുസൈബ് വടുതല വിഷയം അവതരിപ്പിച്ചു. ബി. ദിലീപൻ, അഡ്വ. ബോബൻ, അഡ്വ. പി.സി. രഞ്ജി, പത്തിയൂർ ശ്രീകുമാർ, ലാൽകുമാർ, ജമാഅത്തെ ഇസ്ലാമി ജില്ല കമ്മിറ്റി അംഗം വൈ. ഇർശാദ്, ഏരിയ സമിതി അംഗം എ. മഹ്മൂദ്, സെക്രട്ടറി ഇ.സക്കീർ തുടങ്ങിയവർ സംസാരിച്ചു. ചിത്രം... APLKY5JIH ജമാഅത്തെ ഇസ്ലാമി കായംകുളത്ത് നടത്തിയ ചർച്ചാ സദസ്സിൽ ജില്ല കമ്മിറ്റി അംഗം ഹുസൈബ് വടുതല വിഷയം അവതരിപ്പിക്കുന്നു
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.