കൂലി കൂടുതൽ ചോദിച്ചതിന് തൊഴിലാളിയെ വധിച്ച സൂപ്പർവൈസർക്ക്​ അഞ്ചുവർഷം തടവ്

അ​രൂ​ർ: കൂ​ലി കൂ​ടു​ത​ൽ ചോ​ദി​ച്ച​തി​ന് തൊ​ഴി​ലാ​ളി​യെ മ​ർ​ദി​ച്ചു​ കൊ​ല​പ്പെ​ടു​ത്തി​യ കേ​സി​ൽ സൂ​പ്പ​ർ​വൈ​സ​ർ​ക്ക്​ അ​ഞ്ചു​വ​ർ​ഷം ത​ട​വ്. നെ​യ്യാ​റ്റി​ൻ​ക​ര കാ​ഞ്ഞി​ര​കു​ളം ര​വി​ന​ഗ​ർ കോ​ള​നി​യി​ൽ ദാ​സ​നെയാ​ണ് (56) ആലപ്പുഴ ജില്ല അഡീഷനൽ സെഷൻസ്​ കോ​ട​തി ശി​ക്ഷി​ച്ച​ത്. അ​രൂ​ർ മോ​ഹം ആ​ശു​പ​ത്രി​ക്ക്​ പ​ടി​ഞ്ഞാ​റ് കോ​ലോ​ത്ത് വീ​ട്ടി​ൽ വാ​ട​ക​ക്ക്​ താ​മ​സി​ക്കു​ക​യാ​യി​രു​ന്ന തി​രു​വ​ന​ന്ത​പു​രം കാ​ഞ്ഞി​രം​കു​ളം കാ​ക്ക​ത്തോ​ട്ടം കോ​ള​നി​യി​ൽ മ​നോ​ഹ​ര​നെ​യാ​ണ്​ (50) കൊ​ല​പ്പെ​ടു​ത്തി​യ​ത്.

2016 ഏ​പ്രി​ൽ ര​ണ്ടി​നാ​യി​രു​ന്നു കേ​സി​ന് ആ​സ്പ​ദ​മാ​യ സം​ഭ​വം. ജ​പ്പാ​ൻ കു​ടി​വെ​ള്ള പൈ​പ്പ് ലൈ​ൻ പ​ണി​ക്കാ​യി വ​ന്ന​വ​രാ​യി​രു​ന്നു ഇ​രു​വ​രും. ജോ​ലി​ക്ക് കൂ​ടു​ത​ൽ കൂ​ലി ചോ​ദി​ച്ച വി​രോ​ധ​ത്തി​ലാ​ണ് സൂ​പ്പ​ർ​വൈ​സ​ർ കൂ​ടി​യാ​യി​രു​ന്ന പ്ര​തി ആ​ക്ര​മി​ച്ച​ത്. മ​ര​ണ​പ്പെ​ട്ട മ​നോ​ഹ​ര​നെ സ്വ​കാ​ര്യ ആ​ശു​പ​ത്രി​യി​ൽ കൊ​ണ്ടു​പോ​യ ശേ​ഷം അ​രൂ​ർ സ്റ്റേ​ഷ​നി​ൽ അ​റി​യി​ക്കാ​തെ ആം​ബു​ല​ൻ​സി​ൽ തി​രു​വ​ന​ന്ത​പു​ര​ത്തെ കൊ​ല്ല​പ്പെ​ട്ട​യാ​ളു​ടെ സ​ഹോ​ദ​രി​യു​ടെ വ​സ​തി​യി​ൽ പ്ര​തി ത​ന്നെ എ​ത്തി​ച്ചു.

എ​ന്നാ​ൽ, സം​ശ​യം തോ​ന്നി​യ ബ​ന്ധു​ക്ക​ൾ കാ​ഞ്ഞി​ര​കു​ളം പൊ​ലീ​സ് സ്റ്റേ​ഷ​നി​ൽ പ​രാ​തി ന​ൽ​കി. കേ​സ് ര​ജി​സ്റ്റ​ർ ചെ​യ്ത്​ അ​ന്വേ​ഷ​ണം ന​ട​ത്തി​യ​പ്പോ​ഴാ​ണ് കൊ​ല​പാ​ത​ക​മെ​ന്ന് തെ​ളി​ഞ്ഞ​ത്. ഇ​തി​നി​ടെ സാ​ക്ഷി​ക​ളെ​ല്ലാം കൂ​റു​മാ​റി​യി​രു​ന്നു. അ​രൂ​ർ സ​ബ് ഇ​ൻ​സ്പെ​ക്ട​ർ കെ.​ജി.​പ്ര​താ​പ് ച​ന്ദ്ര​നാ​ണ് അ​ന്വേ​ഷി​ച്ച​ത്.