കൃഷ്ണപുരം കൊട്ടാരം; ടിക്കറ്റ് കൗണ്ടർ കോഫി ഷോപ്പാക്കണം

 കായംകുളം: ഒറ്റനോട്ടത്തിൽ മൊത്തം കാഴ്ചകളുടെ ഭംഗി നശിപ്പിക്കുന്ന കൃഷ്ണപുരം കൊട്ടാരത്തിലെ പഴകി ദ്രവിച്ച ടിക്കറ്റ് കൗണ്ടർ കോഫി ഷോപ്പാക്കി പരിവർത്തിപ്പിക്കണമെന്ന ആവശ്യം ഉയരുന്നു. മുൻവശത്തെ പ്രധാന കവാടത്തിനോട് ചേർന്ന കൗണ്ടറിന്‍റെ മേൽക്കൂര തകർന്ന് ചോർന്ന് ഒലിച്ച് തകരുകയാണ്. ഇത് നവീകരിച്ച് കോഫി ഷോപ്പാക്കുന്നത് കൊട്ടാരത്തിലെത്തുന്ന വിനോദ സഞ്ചാരികൾക്ക് ഏറെ സഹായകമാകും.