എ.ഐ കാമറ മിഴിതുറന്നു; ആദ്യദിനം 105 നിയമലംഘനം കണ്ടെത്തി

ആ​ല​പ്പു​ഴ: കാ​ത്തി​രി​​പ്പി​നൊ​ടു​വി​ൽ മി​ഴി​തു​റ​ന്ന ആ​ർ​ട്ടി​ഫി​ഷ്യ​ൽ ഇ​ന്‍റ​ലി​ജ​ൻ​സ്​ (എ.​ഐ) കാ​മ​റ ആ​ദ്യ​ദി​ന​ത്തി​ൽ ജി​ല്ല​യി​ലെ വി​വി​ധ​യി​ട​ങ്ങ​ളി​ൽ നി​യ​മ​ലം​ഘ​നം ന​ട​ത്തി​യ 105 വാ​ഹ​ന​ങ്ങ​ളെ പി​ടി​കൂ​ടി.

41 ഇ​ട​ത്ത്​ സ്ഥാ​പി​ച്ച കാ​മ​റ​ക​ളി​ൽ​നി​ന്നാ​ണ്​ ഇ​വ ക​ണ്ടെ​ത്തി​യ​ത്. തി​ങ്ക​ളാ​ഴ്ച ​വൈ​കീ​ട്ട്​ വ​രെ​യു​ള്ള ക​ണ​ക്കാ​ണി​ത്. അ​ടു​ത്ത​ദി​വ​സ​ങ്ങ​ളി​ൽ നി​യ​മാ​നു​സൃ​ത​മാ​യ​ പി​ഴ ഒ​ടു​ക്കാ​നു​ള്ള നോ​ട്ടീ​സ്​ വാ​ഹ​ന ഉ​ട​മ​ക്ക്​ ല​ഭി​ക്കു​മെ​ന്ന്​ ആ​ർ.​ടി.​ഒ എ​ൻ​ഫോ​ഴ്​​സ്​​മെ​ന്‍റ്​ അ​ധി​കൃ​ത​ർ പ​റ​ഞ്ഞു. കാ​മ​റ​യു​ള്ള സ്ഥ​ല​ങ്ങ​ളി​ൽ ചി​ത്രം പ​തി​ഞ്ഞോ ഇ​ല്ല​യോ​യെ​ന്ന സം​ശ​യ​ത്തി​ലാ​ണ്​ പ​ല​രും വാ​ഹ​ന​മോ​ടി​ച്ച​ത്.

സ്കൂ​ൾ തു​റ​ന്ന​തോ​ടെ വി​ദ്യാ​ർ​ഥി​ക​ളു​മാ​യി ഇ​രു​ച​ക്ര​വാ​ഹ​ന​ങ്ങ​ളി​ൽ യാ​ത്ര​ചെ​യ്ത​വ​രാ​ണ്​ കു​ടു​ങ്ങു​മോ​യെ​ന്ന ആ​ശ​ങ്ക പ​ങ്കു​വെ​ച്ച​ത്. നി​ല​വി​ൽ 12 വ​യ​സ്സി​ന്​ താ​ഴെ​യു​ള്ള കു​ട്ടി​യു​മാ​യി യാ​ത്ര​ചെ​യ്യാ​ൻ സം​സ്ഥാ​ന സ​ർ​ക്കാ​ർ അ​നു​മ​തി ന​ൽ​കി​യി​ട്ടു​ണ്ട്. ഇ​ത്​ ആ​ശ്വാ​സ​മാ​ണ്. എ​ന്നാ​ൽ, സി​ഗ്​​ന​ലും പാ​ർ​ക്കി​ങ്ങും അ​ട​ക്ക​മു​ള്ള മ​റ്റ്​ കാ​ര്യ​ങ്ങ​ളി​ൽ പി​ഴ വ​രു​മോ​യെ​ന്ന പേ​ടി​യു​ണ്ട്. ഒ​രു​മാ​സ​ത്തോ​ളം പ​രീ​ക്ഷ​ണാ​ടി​സ്ഥാ​ന​ത്തി​ൽ കാ​മ​റ​ക​ൾ പ്ര​വ​ർ​ത്തി​ച്ച​തി​നാ​ൽ നി​യ​മ​ലം​ഘ​ന​ങ്ങ​ളു​ടെ എ​ണ്ണം ഗ​ണ്യ​മാ​യി കു​റ​യു​മെ​ന്നാ​ണ്​ അ​ധി​കൃ​ത​രു​ടെ ക​ണ​ക്കു​കൂ​ട്ട​ൽ.