ആലപ്പുഴ: അവസാന ആളിലേക്കും കോവിഡ് കോവിഡ് വാക്സിൻ എത്തിക്കാനുള്ള പദ്ധതിയുമായി ഡോക്ടേഴ്സ് ഫോർ യു. വാക്സിൻ എടുക്കാത്തവരുടെ വീട്ടിലെത്തിയാവും നൽകുക. ജില്ല പഞ്ചായത്ത്, ജില്ല ഭരണകൂടം, ആരോഗ്യ വകുപ്പ് എന്നിവരുമായി ചേർന്നാണ് ജില്ലയിൽ പദ്ധതി നടപ്പാക്കുന്നത്. പദ്ധതിക്കാവശ്യമായ മെഡിക്കൽ ടീം, വാഹനം എന്നിവ ഡോക്ടേഴ്സ് ഫോർ യു ലഭ്യമാക്കും. വാക്സിൻ ആരോഗ്യ വകുപ്പും മൊബിലിസേഷൻ ജില്ല പഞ്ചായത്തും നിർവഹിക്കും. ചൊവ്വാഴ്ച രാവിലെ 10ന് ജില്ല പഞ്ചായത്തിൽ നടക്കുന്ന ചടങ്ങിൽ പദ്ധതിയുടെ ഔദ്യോഗിക ഉദ്ഘാടനം പ്രസിഡന്റ് കെ.ജി. രാജേശ്വരി നിർവഹിക്കും. വാക്സിനേഷൻ ആവശ്യമുള്ളവർ അടുത്തുള്ള ആരോഗ്യസ്ഥാപനവുമായി ബന്ധപ്പെടണം. ഫോൺ: 919645196343, 919746290508. കടപ്പുറത്ത് വീണ്ടും ആത്മഹ്യശ്രമം; യുവാവിനെ രക്ഷിച്ചു ആലപ്പുഴ: കടലിൽചാടി ആത്മഹത്യ ചെയ്യാനെത്തിയ യുവാവിനെ ടൂറിസം പൊലീസ് രക്ഷിച്ചു. ഞായറാഴ്ച രാത്രി 10.45നായിരുന്നു സംഭവം. കടപ്പുറത്ത് കാറ്റാടി ഭാഗത്ത് കൊല്ലം സ്വദേശിയായ 35 കാരനാണ് ആത്മഹത്യക്കെത്തിയത്. കൊല്ലത്തെ സ്വകാര്യസ്ഥാപനത്തിലെ ജീവനക്കാരനാണ്. ഭാര്യയും കുട്ടിയുമുണ്ട്. ഞായറാഴ്ച വൈകീട്ട് മൂന്നോടെ ആത്മഹത്യ ചെയ്യാനായി കടപ്പുറത്ത് എത്തുകയായിരുന്നു. ജനത്തിരക്ക് കാരണം രാത്രിയോടെയാണ് കടലിലേക്ക് ഇറങ്ങിയത്. സംഭവം കണ്ട് കോസ്റ്റൽ വാർഡൻ മാർഷലെത്തിയാണ് രക്ഷിച്ചത്. പിന്നീട് കൗൺസലിങ് നൽകിയശേഷം ബന്ധുക്കൾക്കൊപ്പം വിട്ടയച്ചു. ടൂറിസം എസ്.ഐ പി. ജയറാം, പൊലീസുകാരൻ മാത്യു എന്നിവരും രക്ഷാപ്രവർത്തനത്തിൽ പങ്കാളികളായി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.