തിരുവനന്തപുരം: കെ.പി.സി.സി അധ്യക്ഷനായി മുല്ലപ്പള്ളി രാമചന്ദ്രന് എം.പിയും വർക്കിങ് പ്രസിഡൻറുമാരും പ്രചാരണവിഭാഗം തലവനും വ്യാഴാഴ്ച ഉച്ചക്ക് 12ന് ചുമതലയേല്ക്കും. കെ.പി.സി.സി ആസ്ഥാനമായ ഇന്ദിരഭവനില് നടക്കുന്ന ചടങ്ങില് സ്ഥാനമൊഴിയുന്ന അധ്യക്ഷന് എം.എം. ഹസന് മുല്ലപ്പള്ളിക്ക് അധികാരം കൈമാറും.
വര്ക്കിങ് പ്രസിഡൻറുമാരായി കെ. സുധാകരന്, എം.ഐ. ഷാനവാസ് എം.പി, കൊടിക്കുന്നില് സുരേഷ് എം.പി എന്നിവരെയും പ്രചാരണ വിഭാഗം ചെയര്മാനായി കെ. മുരളീധരന് എം.എല്.എെയയുമാണ് നിയമിച്ചിട്ടുള്ളത്.
പ്രവര്ത്തകസമിതി അംഗങ്ങളായ എ.കെ. ആൻറണി, ഉമ്മൻ ചാണ്ടി, പി.സി. ചാക്കോ, കെ.സി. വേണുഗോപാല് എം.പി, പ്രതിപക്ഷനേതാവ് രമേശ് ചെന്നിത്തല തുടങ്ങിയവര് പങ്കെടുക്കും. വൈകീട്ട് ആറിന് മുല്ലപ്പള്ളി രാമചന്ദ്രെൻറ അധ്യക്ഷതയില് കെ.പി.സി.സി രാഷ്ട്രീയകാര്യസമിതി യോഗവും ചേരും. ബുധനാഴ്ച ഉച്ചക്ക് 1.30ന് തിരുവനന്തപുരം അന്താരാഷ്ട്ര വിമാനത്താവളത്തില് എത്തുന്ന മുല്ലപ്പള്ളി രാമചന്ദ്രന് തിരുവനന്തപുരം ഡി.സി.സി സ്വീകരണവും നല്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.