ഇന്ത്യയിലെ 10 സുരക്ഷിത നഗരങ്ങളിൽ ഇടംനേടി കോഴിക്കോട്

കോ​ഴി​ക്കോ​ട്: രാ​ജ്യ​ത്തെ ഏ​റ്റ​വും സു​ര​ക്ഷി​ത​മാ​യ 10 ന​ഗ​ര​ങ്ങ​ളു​ടെ പ​ട്ടി​ക​യി​ൽ ഇ​ടം​പി​ടി​ച്ച് കോ​ഴി​ക്കോ​ട്. സ്നേ​ഹ​ത്തി​ന്‍റെ ന​ഗ​രം, ഇ​നി സു​ര​ക്ഷി​ത​ത്വ​ത്തി​ന്‍റെ​യും ന​ഗ​ര​മാ​യി അ​റി​യ​പ്പെ​ടും. കേ​ര​ള​ത്തി​ൽ​നി​ന്ന് ഈ ​പ​ട്ടി​ക​യി​ലെ ആ​ദ്യ പ​ത്തി​ൽ സ്ഥാ​നം​പി​ടി​ച്ച ഏ​ക​ന​ഗ​ര​മാ​ണ് കോ​ഴി​ക്കോ​ട്. നാ​ഷ​ന​ൽ ക്രൈം ​റെ​ക്കോ​ഡ്സ് ബ്യൂ​റോ (എ​ൻ.​സി.​ആ​ർ.​ബി) ത​യാ​റാ​ക്കി​യ ഇ​ന്ത്യ​യി​ലെ ഏ​റ്റ​വും സു​ര​ക്ഷി​ത ന​ഗ​ര​ങ്ങ​ളു​ടെ പ​ട്ടി​ക​യി​ൽ പ​ത്താം സ്ഥാ​ന​മാ​ണ് കോ​ഴി​ക്കോ​ടി​ന് ല​ഭി​ച്ച​ത്. റി​പ്പോ​ർ​ട്ട് ചെ​യ്യ​പ്പെ​ടു​ന്ന കു​റ്റ​കൃ​ത്യ​ങ്ങ​ളു​ടെ അ​ടി​സ്ഥാ​ന​ത്തി​ലാ​ണ് എ​ൻ.​സി.​ആ​ർ.​ബി ന​ഗ​ര​ങ്ങ​ൾ​ക്ക് റാ​ങ്ക് നി​ശ്ച​യി​ച്ചി​രി​ക്കു​ന്ന​ത്.

കു​റ്റ​കൃ​ത്യ​ങ്ങ​ളു​ടെ നി​ര​ക്ക് താ​ര​ത​മ്യേ​ന കു​റ​വു​ള്ള ന​ഗ​ര​ങ്ങ​ളെ​യാ​ണ് സു​ര​ക്ഷി​ത ന​ഗ​ര​ങ്ങ​ളു​ടെ പ​ട്ടി​ക​യി​ൽ ഉ​ൾ​പ്പെ​ടു​ത്തി​യി​രി​ക്കു​ന്ന​ത്. ഈ​യി​ടെ യു​നെ​സ്കോ​യു​ടെ സാ​ഹി​ത്യ ന​ഗ​രം പ​ദ​വി​യും കോ​ഴി​ക്കോ​ടി​ന് ല​ഭി​ച്ചി​രു​ന്നു. കൊ​ൽ​ക്ക​ത്ത​യാ​ണ് സു​ര​ക്ഷി​ത​ന​ഗ​ര പ​ട്ടി​ക​യി​ൽ ഒ​ന്നാം സ്ഥാ​ന​ത്തു​ള്ള​ത്. ത​മി​ഴ്നാ​ട്ടി​ലെ ചെ​ന്നൈ ര​ണ്ടാം​സ്ഥാ​ന​ത്തും കോ​യ​മ്പ​ത്തൂ​ർ മൂ​ന്നാം സ്ഥാ​ന​ത്തു​മു​ണ്ട്. സൂ​റ​ത്ത്, പു​ണെ, ഹൈ​ദ​രാ​ബാ​ദ്, ബം​ഗ​ളൂ​രു, അ​ഹ്മ​ദാ​ബാ​ദ്, മും​ബൈ എ​ന്നി​വ​യാ​ണ് പ​ട്ടി​ക​യി​ൽ കേ​ര​ള​ത്തി​നു മു​ന്നി​ലു​ള്ള മ​റ്റു ന​ഗ​ര​ങ്ങ​ൾ.