ഏതു മുന്നണിയിൽ പോകണമെന്ന് താൻ തീരുമാനിക്കും -കെ.എം. മാണി

പാലാ: ഏതു മുന്നണിയിൽ പോകണമെന്ന് താൻ തീരുമാനിക്കുമെന്ന് കേരള കോൺഗ്രസ് എം ചെയർമാൻ കെ.എം. മാണി. ഇക്കാര്യത്തിൽ കോൺഗ്രസ് നേതാവ് തിരുവഞ്ചൂർ രാധാകൃഷ്ണന്‍റെ നിലപാട് ശരിയാണ്. ഇപ്പോൾ സ്വന്തം കാലിലാണ് നിൽകുന്നതെന്നും മാണി മാധ്യമങ്ങളോട് പറഞ്ഞു.

ഏതു മുന്നണിയിൽ പോകണമെന്ന കാര്യം കെ.എം മാണിയാണ് തീരുമാനിക്കേണ്ടതെന്ന് തിരുവഞ്ചൂർ രാധാകൃഷ്ണൻ കഴിഞ്ഞ ദിവസം പറഞ്ഞിരുന്നു. തിരുവഞ്ചൂരിന്‍റെ ഈ പ്രസ്താവനയോട് പ്രതികരിക്കുകയായിരുന്നു മാണി.