കോട്ടയം: കെവിൻ കൊലക്കേസിൽ പ്രതികൾക്ക് കുറ്റപത്രം നൽകുന്നതുമായി ബന്ധപ്പെട്ട വാദ ം ഇൗമാസം 24ന് ആരംഭിക്കും. അന്വേഷണസംഘം കോടതിയിൽ കുറ്റപത്രം സമർപ്പിച്ചതിനെത്തുട ർന്ന് പ്രതികളെ ഇത് വായിച്ചുകേൾപ്പിക്കുന്നതിനു മുന്നോടിയായുള്ള വാദമാണ് കോട്ടയം അഡീഷനൽ സെഷൻസ് നാലാം കോടതിയിൽ (അതിവേഗ കോടതി ഒന്ന്) ആരംഭിക്കുന്നത്.
പ്രോസിക്യൂഷൻ വ്യാഴാഴ്ച പ്രാഥമികവാദം ആരംഭിക്കാൻ തയാറാണെന്ന് അറിയിെച്ചങ്കിലും തയാറാകാൻ സമയം വേണമെന്ന് പ്രതിഭാഗം ആവശ്യപ്പെടുകയായിരുന്നു. ഇതോടെ 24മുതൽ പ്രാഥമികവാദം തുടങ്ങാൻ കോടതി ഉത്തരവിടുകയായിരുന്നു. ജാമ്യം ലഭിച്ച ആറു പ്രതികള് ഉള്പ്പെടെ 13 പ്രതികളും അന്ന് ഹാജരാകണമെന്നും നിർദേശിച്ചു. കുറ്റപത്രത്തിനൊപ്പം നൽകിയ രേഖകളുടെ പകർപ്പ് പ്രതികൾക്ക് കൊടുക്കാനും കോടതി ഉത്തരവിട്ടു. പ്രോസിക്യൂഷനുവേണ്ടി സ്പെഷൽ പ്രോസിക്യൂട്ടർ സി.എസ്. അജയൻ ഹാജരായി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.