തിരുവനന്തപുരം: കോവിഡ് വ്യാപന പശ്ചാത്തലത്തില് നാട്ടില് എത്തി വിദേശത്തെ ജോലി സ്ഥലങ്ങളിലേക്ക് മടങ്ങിപ്പോകാന് കഴിയാത്ത പ്രവാസികള്ക്ക് 5000 രൂപ വീതം ധനസഹായം നല്കുന്നതിനായി മുഖ്യമന്ത്രിയുടെ ദുരിതാശ്വാനിധിയില് നിന്ന് 50 കോടി രൂപ അനുവദിച്ചു. നോര്ക്ക റൂട്ട്സിനാണ് തുക നൽകുക. നേരത്തെ നല്കിയ 8.5 കോടി രൂപയ്ക്കു പുറമെയാണിത്.
2018 മഹാപ്രളയത്തില് നാശനഷ്ടങ്ങള് സംഭവിച്ച വ്യാപാരി ക്ഷേമബോര്ഡ് അംഗങ്ങളല്ലാത്ത 10800 വ്യാപാരികള്ക്ക് 5000 രൂപ വീതം ധനസഹായം അനുവദിക്കും. ഇതിനായി 5.4 കോടി രൂപ ദുരിതാശ്വാസനിധിയില് നിന്നും അനുവദിക്കും. റവന്യൂ അതോറിറ്റി / ബന്ധപ്പെട്ട തദ്ദേശ സ്ഥാപനത്തിലെ ജനപ്രതിനിധി / സെക്രട്ടറി എന്നിവര് നല്കുന്ന റിപ്പോര്ട്ടിന്റെ / സാക്ഷ്യപത്രത്തിന്റെ അടിസ്ഥാനത്തിലായിരിക്കും ധനസഹായം.
സഹകരണ വകുപ്പില് 1986 മുതല് താല്ക്കാലികാടിസ്ഥാനത്തില് തുടര്ന്നു വരുന്ന കുടിശ്ശിക നിവാരണ ഓഡിറ്റര്മാരുടെ 75 തസ്തികകള് സ്ഥിരപ്പെടുത്തും. ധനകാര്യ വകുപ്പ് നിര്ദേശിച്ച വ്യവസ്ഥകള്ക്ക് വിധേയമായി 01-01-2020 മുതല് പ്രാബല്യേത്താടെയാണിത്. ഇതിന് മന്ത്രിസഭ അനുമതി നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.