മെ​ത്താം​ഫി​റ്റ​മി​ൻ കേ​സ് അ​ഞ്ചു പ്ര​തി​ക​ൾ​ക്ക് 15 വ​ർ​ഷം വീ​തം ത​ട​വ്

​ കാ​സ​ർ​കോ​ട്: 150 ഗ്രാം ​മെ​ത്താം​ഫി​റ്റ​മി​ൻ മ​യ​ക്കു​മ​രു​ന്ന് പി​ടി​കൂ​ടി​യ കേ​സി​ൽ ര​ണ്ട് നൈ​ജീ​രി​യ​ൻ പൗ​ര​ന്മാ​ർ ഉ​ൾ​പ്പെ​ടെ അ​ഞ്ച് പ്ര​തി​ക​ൾ​ക്ക് 15 വ​ർ​ഷം വീ​തം ക​ഠി​ന ത​ട​വും ര​ണ്ട് ല​ക്ഷം രൂ​പ വീ​തം പി​ഴ​യും ശി​ക്ഷ വി​ധി​ച്ച് കോ​ട​തി. മൂ​ന്നാം പ്ര​തി​ക​ൾ ര​ണ്ട് വ​കു​പ്പു​ക​ളി​ലാ​യി 30 വ​ർ​ഷ​മാ​ണ് ശി​ക്ഷ നാ​ല്​ ല​ക്ഷം രൂ​പ പി​ഴ​യും വി​ധി​ച്ചി​ട്ടു​ണ്ട്. വി​ധി പ​റ​യു​മ്പോ​ൾ കോ​ട​തി​യി​ൽ ഹാ​ജ​രാ​കാ​തി​രു​ന്ന ഒ​ന്നും ര​ണ്ടും പ്ര​തി​ക​ളാ​യ ദ​മ്പ​തി​ക​ൾ​ക്ക് കോ​ട​തി അ​റ​സ്‌​റ്റ് വാ​റ​ന്റും പു​റ​പ്പെ​ടു​വി​ച്ചു.

ജി​ല്ല അ​ഡീ​ഷ​ന​ൽ സെ​ഷ​ൻ​സ് കോ​ട​തി (ഒ​ന്ന്) ജ​ഡ്ജി ടി.​എ​ച്ച്. ര​ജി​ത​യാ​ണ് ശി​ക്ഷ വി​ധി​ച്ച​ത്. ച​ട്ട​ഞ്ചാ​ൽ തൈ​ര സ്വ​ദേ​ശി​ക​ളാ​യ അ​ബൂ​ബ​ക്ക​ർ (38), ഭാ​ര്യ അ​മീ​ന അ​ശ്ര (35), ബെം​ഗ​ളൂ​രു സ്വ​ദേ​ശി വ​സീം അ​ക്രം (35), നൈ​ജീ​രി​യ​ൻ പൗ​ര​ന്മാ​രാ​യ ഹ​ഫ്സ റി​ഹാ​ന​ത്ത് ഉ​സ്മാ​ൻ എ​ന്ന ബ്ല​സി​ങ് ജോ​യ് (25), ഉ​ക്ക​മോ​സ​സ് (41) എ​ന്നി​വ​രാ​ണ് ശി​ക്ഷി​ക്ക​പ്പെ​ട്ട​ത്.

ഇ​തി​ൽ മൂ​ന്നാം പ്ര​തി​യാ​യ വ​സീം അ​ക്ര​ത്തി​ന് 15 വ​ർ​ഷം അ​ധി​ക ക​ഠി​ന ത​ട​വും നാ​ല്​ ല​ക്ഷം​രൂ​പ പി​ഴ​യും കോ​ട​തി വി​ധി​ച്ചു. കേ​സി​ലെ ഒ​ന്നാം പ്ര​തി അ​ബൂ​ബ​ക്ക​റും ര​ണ്ടാം പ്ര​തി അ​മീ​ന അ​ശ്ര​യും വി​ധി പ​റ​യു​ന്ന സ​മ​യ​ത്ത് കോ​ട​തി​യി​ൽ ഹാ​ജ​രാ​യി​രു​ന്നി​ല്ല. നാ​ലാം പ്ര​തി​യാ​യി​രു​ന്ന സൂ​ര​ജി​നെ കോ​ട​തി നേ​ര​ത്തേ കു​റ്റ​ക്കാ​ര​ന​ല്ലെ​ന്ന് ക​ണ്ടെ​ത്തി വെ​റു​തെ വി​ട്ടു. 2023 ഏ​പ്രി​ൽ 21നാ​ണ് കാ​റി​ൽ ക​ട​ത്തു​ന്ന​തി​നി​ടെ 150 ഗ്രാം ​മെ​ത്താം​ഫി​റ്റ​മി​ൻ പി​ടി​കൂ​ടി​യ​ത്. മ​യ​ക്കു​മ​രു​ന്ന് വാ​ങ്ങു​ന്ന​തി​നാ​യി പ​ണം മു​ട​ക്കി​യ​ത് മൂ​ന്നാം പ്ര​തി​യാ​യ വ​സീം അ​ക്ര​മാ​ണെ​ന്ന് പ്രോ​സി​ക്യൂ​ഷ​ൻ കോ​ട​തി​യി​ൽ വാ​ദി​ച്ചു.

കേ​സി​ൽ പൊ​ലീ​സ് ശേ​ഖ​രി​ച്ച തെ​ളി​വു​ക​ളും സാ​ക്ഷി​മൊ​ഴി​ക​ളും പ​രി​ഗ​ണി​ച്ചാ​ണ് കോ​ട​തി അ​ഞ്ച് പ്ര​തി​ക​ളെ​യും കു​റ്റ​ക്കാ​രാ​യി ക​ണ്ടെ​ത്തി ശി​ക്ഷ വി​ധി​ച്ച​ത്. നൈ​ജീ​രി​യ​ൻ പൗ​ര​ന്മാ​രെ പ്ര​തി​ക​ളാ​ക്കി ശി​ക്ഷ വി​ധി​ച്ച കേ​ര​ള​ത്തി​ലെ ആ​ദ്യ​ത്തെ കേ​സാ​ണി​തെ​ന്ന് പ്രോ​സി​ക്യൂ​ഷ​ൻ വ്യ​ക്ത​മാ​ക്കി. പ്രോ​സി​ക്യൂ​ഷ​നു​വേ​ണ്ടി അ​ഡീ​ഷ​ന​ൽ പ​ബ്ലി​ക് പ്രോ​സി​ക്യൂ​ട്ട​ർ ലോ​ഹി​താ​ക്ഷ​ൻ ഇ​ട​യി​ല്ല​വും അ​ഡ്വ. ആ​തി​ര ബാ​ല​നും ഹാ​ജ​രാ​യി.