ആരിഫിന്റെ മരണം: സഹോദരീ ഭര്‍ത്താവടക്കം മൂന്നു പേര്‍ അറസ്റ്റില്‍

കു​മ്പ​ള: മി​യാ​പ്പ​ദ​വ് മ​ത​ല​ക്ക​ട്ട​യി​ലെ ആ​രി​ഫി(22)​ന്റെ മ​ര​ണ​ത്തി​ൽ സ​ഹോ​ദ​രീ ഭ​ര്‍ത്താ​വ് ഉ​ൾ​പ്പ​ടെ മൂ​ന്നു പേ​ര്‍ അ​റ​സ്റ്റി​ൽ. ആ​റ് പ്ര​തി​ക​ളെ പൊ​ലീ​സ് അ​ന്വേ​ഷി​ച്ചുവ​രുക​യാ​ണ്. കു​ഞ്ച​ത്തൂ​രി​ലെ റ​ഷീ​ദ് (23), മ​ഞ്ചേ​ശ്വ​രം ക​ണ്വ​തീ​ർഥ​യി​ലെ സി​ദ്ദീ​ഖ് അലി (26), ഷൗ​ക്ക​ത്തലി (29) എ​ന്നി​വ​രെ​യാ​ണ് മ​ഞ്ചേ​ശ്വ​രം പൊ​ലീ​സ് അ​റ​സ്റ്റ് ചെ​യ്ത​ത്. സു​ഹൃ​ത്തു​ക്ക​ളും ബ​ന്ധു​ക്ക​ളു​മാ​യ ആ​റു​പേ​രെ കൂ​ടി അ​ന്വേ​ഷി​ക്കു​ന്നു​ണ്ട്.

ഞാ​യ​റാ​ഴ്ച വൈ​കീ​ട്ടാ​ണ്​ കേ​സി​നാ​സ്പ​ദ​മാ​യ സം​ഭ​വം. മി​യാ​പ്പ​ദ​വി​ന് സ​മീ​പം ഒ​രു സം​ഘം സം​ശ​യാ​സ്പ​ദ​മാ​യി വി​ഹ​രി​ക്കു​ന്നു​വെ​ന്ന വി​വ​ര​ത്തെ തു​ട​ര്‍ന്ന് പൊ​ലീ​സ് സ്ഥ​ല​ത്തെ​ത്തി​യ​പ്പോ​ള്‍ അ​വി​ടെ​യു​ണ്ടാ​യി​രു​ന്ന ആ​രി​ഫി​നെ ക​സ്റ്റ​ഡി​യി​ലെ​ടു​ത്തു. ചോ​ദ്യം​ചെ​യ്ത ശേ​ഷം രാ​ത്രി എ​ട്ടു​മ​ണി​യോ​ടെ റ​ഷീ​ദി​ന്റെ​യും മ​റ്റൊ​രു ബ​ന്ധു​വി​ന്റെ​യും കൂ​ടെ പൊ​ലീ​സ്​ വി​ട്ട​യ​ച്ചു. സ്റ്റേ​ഷ​നി​ല്‍ നി​ന്ന് സ്‌​കൂ​ട്ട​റി​ല്‍ പോ​കു​ന്ന​തി​നി​ടെ വ​ഴി​യി​ല്‍വെ​ച്ച് ആ​രി​ഫ് സ്‌​കൂ​ട്ട​റി​ല്‍നി​ന്നു​ചാ​ടി ഓ​ടി​ര​ക്ഷ​പ്പെ​ടാ​ന്‍ ശ്ര​മി​ച്ചു. ആ​രി​ഫി​നെ ര​ണ്ടു​പേ​ര്‍ ചേ​ര്‍ന്ന് പി​ന്തു​ട​ര്‍ന്ന് പി​ടി​കൂ​ടി. ബ​ഹ​ളം​കേ​ട്ട് ഓ​ടി​യെ​ത്തി​യ ഏ​ഴം​ഗ സം​ഘം ആ​രി​ഫി​നെ മ​ര്‍ദി​ച്ചു. രാ​ത്രി 12 മ​ണി​യോ​ടെ വീ​ട്ടി​ല്‍ കൊ​ണ്ടു​വി​ട്ടു​വെ​ന്നാ​ണ്​ പൊ​ലീസി​നു കി​ട്ടി​യ വി​വ​രം.

അ​ബോ​ധാ​വ​സ്ഥ​യി​ല്‍ മ​ക​നെ ക​ണ്ട ആ​രി​ഫി​ന്റെ ഉ​മ്മ ആ​മി​ന ആ​രാ​ണ് ഇ​ങ്ങ​നെ മ​ർ​ദി​ച്ച​തെ​ന്ന് ചോ​ദി​ച്ച​പ്പോ​ള്‍ പൊ​ലീ​സാ​ണ് മ​ർ​ദി​ച്ച​തെ​ന്നാ​ണ​ത്രെ കൊ​ണ്ടു​വി​ട്ട​വ​ർ പ​റ​ഞ്ഞ​ത്. ആ​ശു​പ​ത്രി​യി​ല്‍ കൊ​ണ്ടു​പോ​കാ​ന്‍ ഈ ​സം​ഘ​ത്തോ​ട് ആ​രി​ഫി​ന്റെ ഉ​മ്മ ആ​വ​ശ്യ​പ്പെ​ട്ട​പ്പോ​ള്‍ സം​ഘം ചി​ല കാ​ര​ണ​ങ്ങ​ള്‍ പ​റ​ഞ്ഞ് അ​വി​ടെ നി​ന്ന് മു​ങ്ങു​ക​യാ​യി​രു​ന്നു. ആ​രി​ഫി​ന് ചി​ല ബ​ന്ധു​ക്ക​ളു​മാ​യി മു​ന്‍ വൈ​രാ​ഗ്യ​മു​ണ്ടാ​യി​രു​ന്നു. അ​തി​നാ​ലാ​ണ് സ്‌​കൂ​ട്ട​റി​ല്‍ കൊ​ണ്ടു​പോ​കു​ന്ന​തി​നി​ടെ ചാ​ടി ര​ക്ഷ​പ്പെ​ടാ​ന്‍ ശ്ര​മി​ച്ച​തെ​ന്ന് സം​ശ​യി​ക്കു​ന്നു. തി​ങ്ക​ളാ​ഴ്ച്ച ഉ​ച്ച​യോ​ടെ വീ​ട്ടി​ല്‍ ത​ള​ർ​ന്നു​വീ​ണ ആ​രി​ഫി​നെ മം​ഗ​ളൂ​രു​വി​ലെ സ്വ​കാ​ര്യ ആ​ശു​പ​ത്രി​യി​ല്‍ എ​ത്തി​ച്ച​പ്പോ​ഴാ​ണ് മ​രി​ക്കു​ന്ന​ത്.

ശ​രീ​ര​ത്തി​ന്റെ പ​കു​തി​യോ​ളം ഭാ​ഗം അ​ടി​യേ​റ്റ് ച​ത​ഞ്ഞി​രു​ന്നു. ഇ​തോ​ടെ ആ​രി​ഫി​ന്റെ മ​ര​ണം കൊ​ല​പാ​ത​ക​മെ​ന്ന് പ​റ​ഞ്ഞ് ബ​ന്ധു​ക്ക​ള്‍ മ​ഞ്ചേ​ശ്വ​രം പൊ​ലീ​സി​ല്‍ പ​രാ​തി ന​ല്‍കു​ക​യാ​യി​രു​ന്നു. തു​ട​ര്‍ന്ന് പൊ​ലീ​സ് ന​ട​ത്തി​യ അ​ന്വേ​ഷ​ണ​ത്തി​ലാ​ണ് മ​ര​ണ​ത്തി​നു പി​ന്നി​ൽ അ​ടു​ത്ത ആ​ൾ​ക്കാ​രാ​ണെ​ന്ന്​ വ്യ​ക്ത​മാ​യ​ത്. സം​ഘ​ത്തി​ലെ മ​റ്റു​ള്ള​വ​രെ കു​റി​ച്ച് അ​ന്വേ​ഷി​ച്ചുവ​രു​ക​യാ​ണെ​ന്ന് പൊ​ലീ​സ് പ​റ​ഞ്ഞു.