തൃക്കരിപ്പൂർ: കുടുംബശ്രീ ആശ്രയ പദ്ധതിയിലും പാഥേയം പദ്ധതിയിലും സാമ്പത്തിക ക്രമക്കേട് ആരോപിച്ച് എൽ.ഡി.എഫ് തൃക്കരിപ്പൂർ പഞ്ചായത്തിലേക്ക് മാർച്ച് നടത്തി. ഏഴാം വാർഡിൽ ആശ്രയ പദ്ധതി പ്രകാരം വീടു ലഭിച്ചവർക്കുള്ള പദ്ധതി വിഹിതം സംബന്ധിച്ചാണ് ആക്ഷേപം. ആശ്രയ പദ്ധതിയിൽ രണ്ടു പേർക്കാണ് വീട് നിർമാണത്തിന് തുക അനുവദിച്ചത്. ഇഷ്ടക്കാരെ മാത്രം ഉൾപ്പെടുത്തി കമ്മിറ്റി രൂപവത്കരിച്ചതായും പറയുന്നു. പാഥേയം പദ്ധതിയിൽ ഉൾപ്പെട്ട രണ്ടു പേർക്ക് ഒരാഴ്ച മാത്രമാണ് ഭക്ഷണം നൽകിയത്. സി.പി.എം ഏരിയ സെക്രട്ടറി ഇ. കുഞ്ഞിരാമൻ ഉദ്ഘാടനം ചെയ്തു. വി.വി. കൃഷ്ണൻ അധ്യക്ഷത വഹിച്ചു. അതേസമയം, കുടുംബശ്രീ ആശ്രയ പദ്ധതിയിലും പാഥേയം പദ്ധതിയിലും ആരോപിക്കപ്പെട്ട സാമ്പത്തിക ക്രമക്കേട് അടിസ്ഥാന രഹിതമാണെന്ന് യു.ഡി.എഫ് പഞ്ചായത്ത് കമ്മിറ്റി. സി.പി.എമ്മിന്റെ ഒരു പ്രാദേശിക നേതാവിന്റെ പ്രേരണമൂലം ഇടതു പാർട്ടികൾ പഞ്ചായത്ത് ഓഫിസിലേക്ക് നടത്തിയ മാർച്ച് നിരുത്തരവാദപരമാണ്. ഒ.ടി. അഹമ്മദ് ഹാജി അധ്യക്ഷത വഹിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.