കാലടി: സംസ്കൃത സർവകലാശാലയിലെ അധ്യാപക നിയമനങ്ങളിൽ നടന്ന നിയമലംഘനം ഞെട്ടിക്കുന്നതാണെന്ന് സർവകലാശാല സ്റ്റാഫ് അസോസിയേഷൻ. വിജ്ഞാപനം മുതൽ നടപടിക്രമങ്ങളിൽ ചട്ടവിരുദ്ധതയും നിയമലംഘനവുമുണ്ടെന്ന് വൈസ് ചാൻസലറോട് സംഘടനകൾ ചൂണ്ടിക്കാട്ടിയിരുന്നു. എന്നാൽ, തെറ്റ് തിരുത്താനുള്ള നടപടിയുണ്ടായില്ല.
ജീവനക്കാരുടെയും അധ്യാപകരുടെയും പ്രമോഷൻ, സ്ഥലംമാറ്റം തുടങ്ങിയ വിഷയങ്ങളിലെ രാഷ്ട്രീയ തീരുമാനങ്ങൾ ചൂണ്ടിക്കാട്ടുമ്പോൾ വി.സി നിഷേധാത്മക നിലപാടാണ് എടുക്കാറുള്ളതെന്ന് സ്റ്റാഫ് അസോസിയേഷൻ പ്രസിഡൻറും മുൻ എം.എൽ.എയുമായ പി.ജെ. ജോയി ആരോപിച്ചു. യു.ജി.സി നിബന്ധനകളും സംവരണക്രമവും അട്ടിമറിച്ച് രാഷ്ട്രീയ നിയമനങ്ങൾ നടത്തുന്ന വി.സിക്കെതിരെ നടപടി സ്വീകരിക്കണമെന്നും അസോസിയേഷൻ ഭാരവാഹികൾ ആവശ്യപ്പെട്ടു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.