മുളങ്കുന്നത്തുകാവ്: കടുത്ത വയറുവേദനയുമായി എത്തിയ രോഗിയുടെ വയറ്റില്‍നിന്ന് 111 ഇരുമ്പാണികള്‍ ശസ്ത്രക്രി യയിലൂടെ പുറത്തെടുത്തു. ചാവക്കാട് മേത്തല സ്വദേശിയായ 49കാരെൻറ വയറ്റില്‍ നിന്നാണ് മെഡിക്കല്‍ കോളജ് ആശുപത് രി സർജറി വിഭാഗത്തിലെ ഡോക്ടര്‍മാര്‍ അഞ്ച് മണിക്കൂര്‍ നീണ്ട ശസ്ത്രക്രിയയിലൂടെ ആണികള്‍ പുറത്തെടുത്തത്.
മാനസിക വിഭ്രാന്തി കാട്ടുന്ന ഇയാള്‍ 10 വര്‍ഷമായി ഇരുമ്പാണി കഴിക്കാറുെണ്ടന്ന് പറയുന്നു. മാസങ്ങളായി വേദന അനുഭവപ്പെടുന്ന ഇയാൾക്ക് വേദന സംഹാരി കൊടുത്ത് തൽക്കാല ശമനം വരുത്തുകയാണ് പതിവ്. തുടര്‍ച്ചയായ വേദനയെ തുടര്‍ന്ന് നടത്തിയ സ്കാനിങ്ങിലാണ് എന്തോ സാധനം വയറ്റില്‍ കിടക്കുന്നതായി കണ്ടെത്തിയത്. തുടര്‍ന്ന് തൃശൂർ ഗവ. മെഡിക്കല്‍ കോളജ് ആശുപത്രി സർജറി വിഭാഗത്തിലെ ഡോ. ശ്രീകുമാറിെൻറ നേതൃത്വത്തില്‍ ഡോ. പി.വി. സന്തോഷ് , ഡോ. സേതു, ഡോ. ആനന്ദന്‍, ഡോ. സുനില്‍കുമാര്‍ എന്നിവരടങ്ങിയ സംഘമാണ് ശസ്ത്രക്രിയ നടത്തിയത്. ഇയാള്‍ അപകട നില തരണം ചെയ്തതായി അധികൃതര്‍ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.