കൊല്ലം: കേരള മെഡിക്കൽ സർവിസസ് കോർപറേഷന്റെ ജില്ല മരുന്ന് സംഭരണകേന്ദ്രത്തിൽ വൻ തീപിടിത്തം. ആളപായമില്ല. കൊല്ലം നഗരത്തിൽ ഉളിയക്കോവിൽ ദേവിക്ഷേത്രത്തിന് സമീപം സ്ഥിതിചെയ്യുന്ന ജില്ല വെയർഹൗസിലാണ് ബുധനാഴ്ച രാത്രി തീപിടിത്തമുണ്ടായത്. രണ്ട് ഇരുചക്രവാഹനങ്ങൾ കത്തിനശിച്ചു.
ബുധനാഴ്ച രാത്രി 8.45ഓടെയാണ് തീപിടിത്തം സുരക്ഷ ജീവനക്കാരന്റെ ശ്രദ്ധയിൽപെട്ടത്. നിമിഷങ്ങൾക്കകം വൻ തീഗോളം കെട്ടിടത്തെ മൂടുകയായിരുന്നു. സംഭവമറിഞ്ഞ് കടപ്പാക്കടയിൽനിന്നും ചാമക്കടയിൽനിന്നും നാല് അഗ്നിരക്ഷാസേന യൂനിറ്റുകൾ സ്ഥലത്തെത്തി മണിക്കൂറുകളോളം പ്രയത്നിച്ചിട്ടും തീ നിയന്ത്രണവിധേയമാക്കാൻ ഏറെ ബുദ്ധിമുട്ടി. തീആളിപ്പടർന്ന് കയറിയത് കെടുത്താനുള്ള ശ്രമങ്ങൾക്ക് വെല്ലുവിളിയായി.
മണിക്കൂറുകളോളം തീആളിപടർന്നത് കെടുത്താനാകാതെ വന്നതോടെ കൂടുതൽ സ്ഥലങ്ങളിൽനിന്നും അഗ്നിരക്ഷാസേന യൂനിറ്റുകൾ സ്ഥലത്തെത്തി. തീയണക്കാനുള്ള ശ്രമം രാത്രി വൈകിയും തുടരുകയാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.