പിണറായി വിജയൻ, ഗവർണർ രാജേന്ദ്ര അർലെക്കർ
തിരുവനന്തപുരം: സ്വാതന്ത്ര്യദിനത്തിലെ രാജ്ഭവനിലെ ‘അറ്റ്ഹോം’ വിരുന്ന് ബഹിഷ്കരിച്ച സർക്കാർ, ഗവർണർ രാജേന്ദ്ര അർലെക്കറെ ഓണാഘോഷ പരിപാടിക്ക് ക്ഷണിക്കുന്നു. സെപ്റ്റംബർ രണ്ടിന് രാജ്ഭവനിൽ മൂന്ന് മന്ത്രിമാർ നേരിട്ടെത്തി ഗവർണർക്ക് ഓണക്കോടി കൈമാറി ആഘോഷത്തിന് ക്ഷണിക്കും.
സാധാരണ സംസ്ഥാന സർക്കാരിന്റെ ഓണം വാരാഘോഷം സമാപന ദിനത്തിലെ ഘോഷയാത്ര ഫ്ലാഗ് ഓഫ് ചെയ്യുന്നത് ഗവർണറാണ്. ഇത്തവണ ഗവർണറെ നേരിൽകണ്ട് ക്ഷണിക്കാൻ 29ന് ടൂറിസം ഡയറക്ടർ ഗവർണറുടെ സെക്രട്ടറിക്ക് കത്ത് നൽകിയിരുന്നു.
രാജ്ഭവൻ അനുമതി ലഭിച്ചതോടെ ചൊവ്വാഴ്ച വൈകിട്ട് നാലിന് മന്ത്രിമാരായ പി.എ മുഹമ്മദ് റിയാസ്, വി. ശിവൻകുട്ടി, ജി.ആർ അനിൽ എന്നിവർ ഗവർണറെ ക്ഷണിക്കാനെത്തും. മറിച്ചൊരു തീരുമാനമെടുത്തില്ലെങ്കിൽ ഒമ്പതിന് വൈകിട്ട് നടക്കുന്ന ഓണം ഘോഷയാത്ര ഫ്ലാഗ് ഓഫ് ചെയ്യാൻ ഗവർണർ എത്തും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.