‘നല്ല നായർക്ക് നിലപാട് ഒന്നേയുള്ളൂ...’ -സുകുമാരൻ നായർക്കെതിരെ വീണ്ടും ഫ്ലെക്സുകൾ

തിരുവല്ല: എൻ.എസ്.എസ് ജനറൽ സെക്രട്ടറി ജി. സുകുമാരൻ നായർക്കതിരെ ഇന്നും വിവിധയിടങ്ങളിൽ ഫ്ലെക്സുകൾ. പെരിങ്ങരയിലാണ് സേവ് നായർ ഫോറത്തിന്റെ പേരിൽ ബാനറുകൾ ഉയർന്നിരിക്കുന്നത്. പെരിങ്ങര 1110-ാം നമ്പർ എൻ.എസ്.എസ് കരയോഗ കെട്ടിടത്തിന്റെ മുൻപിലും, കരയോഗത്തിന് സമീപത്തെ കോസ്മോസ് ജങ്ഷലും, പെരിങ്ങര ജങ്ഷനിലും, ലക്ഷ്മി നാരായണ ക്ഷേത്ര ജങ്ഷനിലുമാണ് ബാനറുകൾ ഉയർന്നിരിക്കുന്നത്.

ബാഹുബലിയെ പിന്നിൽ നിന്ന് കുത്തുന്ന കട്ടപ്പയുടെ ചിത്രം ഉൾപ്പെടുത്തിയാണ് ബാനർ തയാറാക്കിയിരിക്കുന്നത്. ‘പിന്നിൽനിന്നും കാലു വാരിയ പാരമ്പര്യം നായർക്കില്ല...’, ‘ശബരിമല അയ്യപ്പസ്വാമിയുടെ ആചാര സംരക്ഷണത്തിന് അണിനിരന്ന ആയിരങ്ങളെ അപമാനിച്ച സമുദായ വഞ്ചകൻ എൻ.എസ്.എസ് ജനറൽ സെക്രട്ടറി സുകുമാരൻ നായർ രാജിവെക്കുക’ തുടങ്ങിയ വരികളാണ് ബാനറുകളിൽ ഉൾപ്പെടുത്തിയിരിക്കുന്നത്.

ശ​ബ​രി​മ​ല അ​യ്യ​പ്പ​സം​ഗ​മ​വു​മാ​യി ബ​ന്ധ​പ്പെ​ട്ട്​ എ​ൻ.​എ​സ്.​എ​സ്​ ജ​ന.​സെ​ക്ര​ട്ട​റി ജി. ​സു​കു​മാ​ര​ൻ നാ​യ​ർ സ്വീ​ക​രി​ച്ച സ​ർ​ക്കാ​ർ അ​നു​കൂ​ല നി​ല​പാ​ടി​നെ​തി​രെ ക​ര​യോ​ഗ​ങ്ങ​ളി​ൽ ശ​ക്​​ത​മാ​യ പ്ര​തി​ഷേ​ധമാണ് ഉയരുന്നത്. വ്യാ​പ​ക​മാ​യി പോ​സ്റ്റ​റു​ക​ളും പ്ര​ച​രി​ക്കു​ന്നുണ്ട്. പത്തനംതിട്ടയിലെ വെട്ടിപ്പുറത്താണ് ആദ്യമായി സുകുമാരൻ നായർക്കെതിരെ പ്രതിഷേധ ബാനർ ഉയർന്നത്. പിന്നാലെ മറ്റ് പല സ്ഥലങ്ങളിലും ബോർഡുകളും ബാനറുകളും ഉയരുകയാണ്.

ഒ​രു രാ​ഷ്ട്രീ​യ പാ​ർ​ട്ടി​ക്കൊ​പ്പ​വു​മി​ല്ലെ​ന്ന്​ പ​റ​ഞ്ഞ സു​കു​മാ​ര​ൻ നാ​യ​ർ ഇ​ന്ന​ലെ​യും ബി.​ജെ.​പി​യെ​യും കോ​ൺ​ഗ്ര​സി​നെ​യും രൂ​ക്ഷ​മാ​യാ​ണ്​ വി​മ​ർ​ശി​ച്ച​ത്. ഫ്ല​ക്സ്​ വെ​ക്കു​ന്ന​വ​ർ വെ​ക്ക​ട്ടെ​യെ​ന്നും അ​ദ്ദേ​ഹം പറഞ്ഞിരുന്നു. എ​ൻ.​എ​സ്.​എ​സ്​ പി​ന്തു​ട​രു​ന്ന ​സ​മ​ദൂ​ര നി​ല​പാ​ടി​ന്​ എ​തി​രാ​ണ്​ സു​കു​മാ​ര​ൻ നാ​യ​രു​ടെ പ്ര​സ്താ​വ​ന എ​ന്നാ​ണ്​ സ​മു​ദാ​യാം​ഗ​ങ്ങ​ളു​ടെ പൊ​തുവി​കാ​രം. യോ​ഗ​ത്തി​ൽ പ​​ങ്കെ​ടു​ത്ത ചി​ല നേ​താ​ക്ക​ൾ വ്യ​ക്​​തി​പ​ര​മാ​യി ജ​ന.​സെ​ക്ര​ട്ട​റി​യോ​ട്​ വി​യോ​ജി​പ്പ്​ അ​റി​യി​ക്കു​ക​യും ചെ​യ്തി​ട്ടു​ണ്ട്.

5000 ച​തു​ര​ശ്ര​യ​ടി​യി​ൽ എൻ.എസ്.എസിന് പുതിയ ആസ്ഥാന മന്ദിരം വരുന്നു

ച​ങ്ങ​നാ​ശ്ശേ​രി: എ​ൻ.​എ​സ്.​എ​സി​ന് പെ​രു​ന്ന​യി​ൽ എം. ​സി റോ​ഡി​ന് അ​ഭി​മു​ഖ​മാ​യി പു​തി​യ ആ​സ്ഥാ​ന മ​ന്ദി​രം വ​രു​ന്നു. ഇ​പ്പോ​ഴ​ത്തെ ആ​സ്ഥാ​ന​മ​ന്ദി​രം നി​ല​നി​ർ​ത്തി​ക്കൊ​ണ്ട്​ ത​ന്നെ​യാ​ണ് പു​തി​യ സ​മു​ച്ച​യം പ​ണി​യു​ന്ന​ത്. ഇ​പ്പോ​ഴ​ത്തെ മ​ന്ദി​ര​ത്തി​ന് മു​ന്നി​ലാ​യി ഇ​തി​ന് സ്ഥ​ലം ക​ണ്ടെ​ത്തി. 17 കോ​ടി രൂ​പ മു​ത​ൽ മു​ട​ക്കി നാ​ലു നി​ല​യി​ലാ​യാ​ണ് പു​തി​യ മ​ന്ദി​രം പ​ണി​യു​ന്ന​ത്.

സ​മ്മേ​ള​ന​ഹാ​ൾ, അ​തി​ഥി​ക​ളെ സ്വീ​ക​രി​ക്കാ​നു​ള്ള മു​റി​ക​ൾ, മ​റ്റ് ആ​ധു​നി​ക സം​വി​ധാ​ന​ങ്ങ​ൾ എ​ന്നി​വ​യെ​ല്ലാം പു​തി​യ മ​ന്ദി​ര​ത്തി​ലു​ണ്ടാ​കും. 5000 ച​തു​ര​ശ്ര​യ​ടി​യി​ലാ​ണ് പു​തി​യ കെ​ട്ടി​ടം നി​ർ​മി​ക്കു​ന്ന​ത്. ഇ​തി​നു​ള്ള രൂ​പ​രേ​ഖ​യും എ​സ്റ്റി​മേ​റ്റും ത​യാ​റാ​യി​ട്ടു​ണ്ട്. അ​ടു​ത്തു​ത​ന്നെ നി​ർ​മാ​ണ​പ്ര​വ​ർ​ത്ത​ന​ങ്ങ​ൾ ആ​രം​ഭി​ക്കു​മെ​ന്ന്​ എ​ൻ.​എ​സ്.​എ​സ് ജ​ന​റ​ൽ സെ​ക്ര​ട്ട​റി അ​റി​യി​ച്ചു. കാ​ല​ത്തി​നൊ​പ്പം മാ​റു​ന്ന​തി​ന്റെ ഭാ​ഗ​മാ​യാ​ണ്​ പു​തി​യ മ​ന്ദി​ര​മെ​ന്നും ജ​ന​റ​ൽ സെ​ക്ര​ട്ട​റി വ്യ​ക്​​ത​മാ​ക്കി.