കൊച്ചി: കോവിഡ് കനത്ത നാശംവിതച്ച ഇറ്റലിയിലെ റോമിൽ കുടുങ്ങിയ ഇന്ത്യക്കാരുടെ ആദ്യ സംഘം നെടുമ്പാശേരിയിലെത്തി. 13 പേരാണ് രാവിലെ 7.45ഓടെ ദുബൈ വഴി നെടുമ്പാശേരിയിലെത്തിയത്.
ഇന്ത്യയിൽനിന്ന് പോയ മെഡിക്കൽ സംഘം പരിശോധന നടത്തി കോവിഡ് ബാധയില്ലെന്ന് ഉറപ്പാക്കിയ ശേഷമാണ് ഇവരെ രാജ്യത്തെത്തിച്ചത്. ഇവരെ കൂടുതൽ പരിശോധനകൾക്കായി ആശുപത്രിയിലേക്ക് മാറ്റുമെന്നാണ് വിവരം.
പരിശോധനകൾക്ക് ശേഷമാണ് ഇവരെ നിരീക്ഷണത്തിൽ നിർത്തണോ വീടുകളിലേക്ക് അയക്കണോ എന്ന കാര്യത്തിൽ തീരുമാനമാകുക.
അതേസമയം, ഇറ്റലിയിലെ മിലനിൽ കുടുങ്ങിയവരെ നാട്ടിലെത്തിക്കുന്ന കാര്യത്തിൽ അനിശ്ചിതത്വം തുടരുകയാണ്.
യൂറോപ്പിൽ കോവിഡ് ഏറ്റവും നാശംവിതച്ച ഇറ്റലിയിൽ 17,660 പേർക്കാണ് രോഗം ബാധിച്ചത്. 1266 പേരാണ് ഇവിടെ മരിച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.