തിരുവനന്തപുരം: പെന്‍ഷനും ശമ്പള കുടിശ്ശികയും വിതരണംചെയ്യാന്‍ കെ.എസ്.ആർ.ടി.സിക്ക് അടിയന്തരമായി 130 കോടി അനുവദിക്കാന്‍ ധനമന്ത്രി നിർദേശം നൽകി. പെന്‍ഷന്‍ വിതരണത്തിന് എല്ലാമാസവും സര്‍ക്കാര്‍ വിഹിതമായ 30 കോടി മുന്‍കൂറായി നല്‍കുന്നുണ്ട്. ഇതിനുപുറമെ 100 കോടി കൂടി നല്‍കാനാണ് മന്ത്രി ഉത്തരവിട്ടത്.
കെ.എസ്.ആർ.ടി.സിയെ അടിമുടി പുനഃസംഘടിപ്പിക്കാനാണ് സര്‍ക്കാര്‍ തീരുമാനം. തൊഴിലാളികളെ വിശ്വാസത്തിലെടുത്ത് തീരുമാനം നടപ്പാക്കുന്നതി‍െൻറ ഭാഗമായാണ് അടിയന്തരമായി പണം നല്‍കുന്നത്. ചൊവ്വാഴ്ച തന്നെ പണം നല്‍കണമെന്നാണ് ധനസെക്രട്ടറിക്ക് നൽകിയ നിർദേശം.
കെ.എസ്.ആർ.ടി.സി ശമ്പള, പെൻഷൻ വിഷയം മൂന്ന് മാസത്തിനകം പരിഹരിക്കുെമന്ന് തിങ്കളാഴ്ച മന്ത്രി വ്യക്തമാക്കിയിരുന്നു. ശമ്പളവും പെൻഷനും മുടങ്ങിയ സാഹചര്യത്തിൽ ജീവനക്കാരും പെൻഷൻകാരും സമരപാതയിലാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.