തിരുവനന്തപുരം - എറണാകുളം പാതയിൽ ട്രെയിൻ ഗതാഗതം തടസ്സപ്പെട്ടു

കൊല്ലം: വൈദ്യുതി തകരാർ കാരണം തിരുവനന്തപുരം -എറണാകുളം പാതയിൽ ട്രെയിൻ ഗതാഗതം തടസ്സപ്പെട്ടു. കൊല്ലത്തിനും ശാസ്താ ംകോട്ടക്കും ഇടയിൽ 25 കെ.വി ലൈനിൽ വൈകീട്ട് മൂന്നോടെയാണ് വൈദ്യുതി തകരാർ ഉണ്ടായത്. ഇതോടെ ഐലൻറ് എക്സ്പ്രസ് ശാസ്താം കോട്ടയിൽ നിർത്തിയിട്ടു. ശാസ്താംകോട്ട റെയിൽവേ സ്​റ്റേഷനിലെ രണ്ടാം നമ്പർ പ്ലാറ്റ്​ഫോമിൽ ട്രെയിൻ നിർത്താനൊരുങ്ങവെയാണ് തകരാർ സംഭവിച്ചത്. ഇതോടെ പിന്നാലെ വന്ന ട്രെയിനുകൾ പെരിനാട് മുതൽ തെക്കോട്ടുള്ള വിവിധ സ്​റ്റേഷനുകളിൽ പിടിച്ചിട്ടു.

വൈകുന്നേരം നാലോടെ ​െറയിൽവേ സാങ്കേതിക വിദഗ്ധരെത്തി തകരാർ പരിഹരിച്ചശേഷമാണ് ഐലൻഡ് എക്സ്പ്രസ്​ യാത്ര തുടർന്നത്. വൈകീട്ട് നാലിന് കൊല്ലത്തെത്തിയ ചെ​െന്നെ മെയിലും മണിക്കൂറോളം പിടിച്ചിട്ടു. പിന്നീടുള്ള ഷാലിമാർ, കൊച്ചുവേളി, വഞ്ചിനാട്, ഇൻറർസിറ്റി തുടങ്ങി ട്രെയിനുകളും മയ്യനാട്, പരവൂർ, വർക്കല, കടയ്ക്കാവൂർ, ചിറയിൻകീഴ്, കഴക്കൂട്ടം സ്​റ്റേഷനുകളിൽ പിടിച്ചിട്ടു. ചെ​െന്നെ മെയിൽ കൊല്ലത്തുനിന്ന്​ ഡീസൽ എൻജിൻ ഘടിപ്പിച്ചാണ് ശാസ്താംകോട്ട സ്​റ്റേഷനിലെത്തിച്ചത്.

3.55നും നാലിനുമിടയിൽ പുറപ്പെടേണ്ട ചെ​െന്നെ മെയിൽ 5.50നാണ് കൊല്ലത്തുനിന്ന് പുറപ്പെട്ടത്. മറ്റൊരു പാസഞ്ചർ ട്രെയിനും കടത്തിവിട്ടു. വൈദ്യുതി ലൈനിൽ തകരാർ കണ്ടെത്തിയതിനെതുടർന്ന്​ സിംഗിൾ ലൈൻ സംവിധാനം ഏർപ്പെടുത്തി. 56366 നമ്പർ പുനലൂർ ഗുരുവായൂർ പാസഞ്ചർ ട്രെയിനും 66310 നമ്പർ കൊല്ലം എറണാകുളം മെമു ട്രെയിനും റദ്ദുചെയ്തു. രാത്രി ഒമ്പതരയോടെയാണ്​ ട്രെയിൻ ഗതാഗതം പുനഃസ്​ഥാപിച്ചത്​.