വാ​ട്സ്ആ​പ് ചാറ്റിനെ തു​ട​ർ​ന്നു​ണ്ടാ​യ വാ​ക്കു​ത​ർ​ക്കം; യുവാവ് കുത്തേറ്റ് മരിച്ചു

മം​ഗ​ല​പു​രം: ചെ​മ്പ​ക​മം​ഗ​ല​ത്ത് യു​വാ​വ് കു​ത്തേ​റ്റ് മ​രി​ച്ചു. ചെ​മ്പ​ക​മം​ഗ​ലം കു​റ​ക്ക​ട സ്വ​ദേ​ശി വി​ഷ്ണു (30) ആ​ണ് മ​രി​ച്ച​ത്. സു​ഹൃ​ത്ത് കാ​രി​ക്കു​ഴി സ്വ​ദേ​ശി വി​മ​ലി​നെ (38) പ​രി​ക്കു​ക​ളോ​ടെ വെ​ഞ്ഞാ​റ​മൂ​ട്ടി​ലെ സ്വ​കാ​ര്യ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

വെ​ള്ളി​യാ​ഴ്​​ച രാ​ത്രി പ​ത്ത​ര​യോ​ടെ​യാ​ണ് സം​ഭ​വം. വി​മ​ലി​െൻറ സ​ഹോ​ദ​രി​യു​മാ​യി വി​ഷ്ണു ന​ട​ത്തി​യ വാ​ട്സ്ആ​പ് ചാ​റ്റി​നെ തു​ട​ർ​ന്നു​ണ്ടാ​യ വാ​ക്കു​ത​ർ​ക്ക​മാ​ണ് കൊ​ല​പാ​ത​ക​ത്തി​ൽ ക​ലാ​ശി​ച്ച​തെ​ന്ന് മം​ഗ​ല​പു​രം പൊ​ലീ​സ് പ​റ​ഞ്ഞു.

രാ​ത്രി ഒ​മ്പ​ത​ര​യോ​ടെ വി​മ​ലും മ​റ്റൊ​രു സു​ഹൃ​ത്തും കൂ​ടി വി​ഷ്ണു​വി​നെ വീ​ട്ടി​ൽ​നി​ന്ന്​ കൂ​ട്ടി​ക്കൊ​ണ്ടു​പോ​യി​രു​ന്നു. സ​മീ​പ​ത്തെ ന​ഴ്സി​ങ്​ ഹോ​സ്​​റ്റ​ലി​ന് സ​മീ​പ​മെ​ത്തി​യ​പ്പോ​ൾ ഇ​വ​ർ ത​മ്മി​ൽ വാ​ക്കു​ത​ർ​ക്ക​വും കൈ​യാ​ങ്ക​ളി​യു​മു​ണ്ടാ​യി.

ആ​ക്ര​മ​ണ​ത്തി​നി​ടെ വി​ഷ്ണു​വി​െൻറ നെ​ഞ്ചി​ൽ ആ​ഴ​ത്തി​ലേ​റ്റ മു​റി​വാ​ണ് മ​ര​ണ​ത്തി​ന്​ കാ​ര​ണ​മാ​യ​ത്. ആ​ക്ര​മ​ണ​ത്തി​നി​ടെ വി​മ​ലി​നും പ​രി​ക്കേ​റ്റു.

ആ​ശു​പ​ത്രി​യി​ലാ​യ വി​മ​ൽ പൊ​ലീ​സ് നി​രീ​ക്ഷ​ണ​ത്തി​ലാ​ണ്. മ​രി​ച്ച വി​ഷ്ണു സ​ഹോ​ദ​രി​യോ​ടൊ​പ്പ​മാ​ണ് താ​മ​സി​ക്കു​ന്ന​ത്. മം​ഗ​ല​പു​രം പൊ​ലീ​സ് അ​ന്വേ​ഷ​ണ​മാ​രം​ഭി​ച്ചു.