ഇടുക്കി: അടിമാലി കമ്പിളികണ്ടത്ത് ഒരു കുടുംബത്തിലെ മൂന്നുപേരെ വീടനുള്ളിൽ മരിച്ച നിലയിൽ കണ്ടെത്തി. വെള്ളത്തൂ വൽ പൊലീസ് സ്റ്റേഷൻ പരിധിയിൽ തെള്ളിത്തോട് താമസിക്കുന്ന അർത്തിയിൽ ജോസ് (52), ഭാര്യ മിനി(45), മകൻ അബിൻ(12) എന്നിവരെയാണ് മരിച്ച നിലയിൽ കണ്ടെത്തിയത്. വിഷം ഉള്ളിൽ ചെന്നാണ് മരണം. വെള്ളിയാഴ്ച 12 മണിയോടെയാണ് മൃതദേഹങ്ങൾ കണ്ടെത്തിയത്.
കടബാധ്യതയെ തുടർന്നാണ് കുടുംബം ആത്മഹത്യ ചെയ്തതെന്നാണ് റിപ്പോർട്ട്. മിനി ഏജൻറായി നിന്നുകൊണ്ട് നിരവധി പേർക്ക് വായ്പയെടുത്ത് നൽകിയിരുന്നു. ഇതിൽ പലതും തിരിച്ചടക്കാത്തതോടെ വൻ തുക ഇവർക്ക് ബാധ്യതയായിരുന്നു.
പൊലീസ് സ്ഥലത്തെത്തി ഇൻക്വസ്റ്റ് നടപടികൾ പൂർത്തിയാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.