കൽപ്പറ്റ: കോവിഡ്19 രോധബാധ സംബന്ധിച്ച് സാമൂഹിക മാധ്യമങ്ങളിലൂടെ വ്യാജ പ്രചരണം നടത്തിയ യുവാവ് അറസ്റ്റിൽ. പ ൊഴുതന മൈലുംപ്പാത്തി സ്വദേശി താണിക്കൽ വീട്ടിൽ ഫഹദിനെയാണ് (25) കൽപ്പറ്റ പൊലീസ് അറസ്റ്റ് ചെയ്തത്. കൽപ്പറ്റയിലെ സ്വകാര്യ ആശുപത്രിയിൽ നാലാം മൈൽ സ്വദേശിക്ക് കോവിഡ്19 സ്ഥിരീകരിച്ചുവെന്ന് പ്രചരിപ്പിച്ചതിനാണ് അറസ്റ്റ്.
ഇയാൾ അഡ്മിൻ ആയ വാട്ട്സ് ആപ്പ് ഗ്രൂപ്പിലൂടെയാണ് വ്യാജ വാർത്ത പ്രചരിപ്പിച്ചത്. അറസ്റ്റിലായ ഫഹദിനെ പിന്നീട് ജാമ്യത്തിൽ വിട്ടു. വ്യാജ വാർത്ത പ്രചരിപ്പിച്ച കേസിൽ കൂടുതൽ അറസ്റ്റുണ്ടാകുമെന്ന് പൊലീസ് അറിയിച്ചു.
ജനങ്ങളിൽ പരിഭ്രാന്തി സൃഷ്ടിക്കുന്ന തരത്തിലുള്ള വ്യാജ വാർത്തകൾക്കെതിരെ ശക്തമായ നടപടിയുണ്ടാകുമെന്ന് ജില്ലാ പൊലീസ് മേധാവി അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.