കോൺഗ്രസിന്‍റെ ചടുലനീക്കം; പത്മജയുടെ പ്രഹരത്തിന്​ മുരളിയിലൂടെ മറുപടി

തി​രു​വ​ന​ന്ത​പു​രം: കെ. ​ക​രു​ണാ​ക​ര​ന്‍റെ മ​ക​ൾ പ​ത്മ​ജ വേ​ണു​ഗോ​പാ​ൽ ന​ൽ​കി​യ പ്ര​ഹ​ര​ത്തി​ന്​ മ​ക​ൻ കെ. ​മു​ര​ളീ​ധ​ര​നെ മു​ൻ​നി​ർ​ത്തി കോ​ൺ​ഗ്ര​സ്​ പ്ര​തി​രോ​ധം. പ​ത്മ​ജ ​ബി.​ജെ.​പി​യി​ലേ​ക്ക്​ ചാ​ടി​യ​തി​ന്‍റെ പ​രി​ക്ക്​ മു​ര​ളീ​ധ​ര​ൻ തൃ​ശൂ​രി​ൽ അ​ങ്ക​ത്തി​ന്​ ഇ​റ​ങ്ങു​ന്ന​തി​ലൂ​ടെ തീ​ർ​ക്കാ​മെ​ന്ന​ കോ​ൺ​ഗ്ര​സ്​ ക​ണ​ക്കു​കൂ​ട്ട​ലി​ലാ​ണ്​ സ്ഥാ​നാ​ർ​ഥി പ​ട്ടി​ക​യി​ലെ അ​പ്ര​തീ​ക്ഷി​ത ട്വി​സ്റ്റ്. ക​രു​ണാ​ക​ര​ന്‍റെ മ​ക​ൾ തെ​ര​ഞ്ഞെ​ടു​പ്പി​ന്‍റെ പ​ടി​വാ​തി​ൽ​ക്ക​ൽ സം​ഘ്​​പാ​ള​യം ചേ​ർ​ന്ന​ത്​ ക​ടു​ത്ത വി​ശ്വാ​സ​ത്ത​ക​ർ​ച്ച​യി​ലേ​ക്ക്​ ത​ള്ളി​യി​ട്ട കോ​ൺ​ഗ്ര​സി​ന്‍റെ ഫ​ല​പ്ര​ദ​മാ​യ രാ​ഷ്ട്രീ​യ നീ​ക്ക​മാ​ണ്​ മു​ര​ളി​യു​ടെ മ​ണ്ഡ​ല​മാ​റ്റം.

പ​ത്മ​ജ കാ​ലു​മാ​റി 24 മ​ണി​ക്കൂ​ർ തി​ക​യും​മു​മ്പ്​ ആ ​തീ​രു​മാ​ന​മെ​ടു​ത്ത ച​ടു​ല​നീ​ക്ക​വും കോ​ൺ​ഗ്ര​സി​ന്​ നേ​ട്ട​മാ​യി. പ​ത്മ​ജ​യെ ചൊ​ല്ലി പ്ര​തി​രോ​ധ​ത്തി​ലാ​യ പാ​ർ​ട്ടി ഒ​റ്റ​ദി​വ​സം കൊ​ണ്ട്​ മു​ര​ളി​യി​ലൂ​ടെ മ​ത്സ​ര​ത്തി​ലേ​ക്ക്​ തി​രി​ച്ചെ​ത്തി.

കേ​ര​ള​ത്തി​ൽ ബി.​ജെ.​പി ജ​യ​പ്ര​തീ​ക്ഷ വെ​ക്കു​ന്ന ഏ​ക​മ​ണ്ഡ​ലം തൃ​ശൂ​രാ​ണ്. അ​വി​ടെ, ക​രു​ണാ​ക​ര​ന്‍റെ മ​ക​ൻ ബി.​ജെ.​പി വി​രു​ദ്ധ പോ​രാ​ട്ട​ത്തി​ന്‍റെ ​പ​ട​വാ​ൾ ഏ​റ്റെ​ടു​ക്കു​ന്ന​തി​ലൂ​ടെ ​ബി.​ജെ.​പി, സി.​പി.​എം പ്ര​ചാ​ര​ണ​ത്തി​ന്‍റെ മു​​ന​യൊ​ടി​ക്കാ​ൻ ക​ഴി​യു​മെ​ന്ന്​ കോ​ൺ​ഗ്ര​സ്​ ക​ണ​ക്കു​കൂ​ട്ടു​ന്നു. ബി.​ജെ.​പി​യു​ടെ ന​മ്പ​ർ വ​ൺ മ​ണ്ഡ​ല​ത്തി​ൽ താ​ര സ്ഥാ​നാ​ർ​ഥി സു​രേ​ഷ്​ ഗോ​പി​യെ നേ​രി​ടു​ന്ന​ത്​ ക​രു​ണാ​ക​ര​ന്‍റെ മ​ക​നാ​ണെ​ന്ന​ത്​ ക​രു​ണാ​ക​ര​ന്‍റെ മ​ക​ള​ട​ക്കം ന​രേ​ന്ദ്ര മോ​ദി​ക്കൊ​പ്പം ചേ​രു​മ്പോ​ൾ കോ​ൺ​ഗ്ര​സി​നെ എ​ങ്ങ​​നെ വി​ശ്വ​സി​ക്കു​മെ​ന്ന സി.​പി.​എ​മ്മി​ന്‍റെ ചോ​ദ്യ​ത്തി​ന്​ ഉ​ചി​ത മ​റു​പ​ടി​യാ​ണ്. പ​ത്മ​ജ​യി​ലൂ​ടെ ​ക​രു​ണാ​ക​ര​ന്‍റെ പൈ​തൃ​കം ക​വ​ർ​ന്ന്​ ആ ​വോ​ട്ട്​ ബാ​ങ്കി​ൽ നു​ഴ​ഞ്ഞു​ക​യ​റാ​ൻ ആ​ഗ്ര​ഹി​ക്കു​ന്ന ബി.​ജെ.​പി നീ​ക്ക​ത്തി​നു​ള്ള ശ​ക്ത​മാ​യ പ്ര​തി​രോ​ധ​വു​മാ​ണ്​ മു​ര​ളി​യു​ടെ തൃ​ശൂ​രി​ലെ മ​ത്സ​രം.

അതേസമയം, മു​ര​ളീ​ധ​ര​ന്​​ ഇത് അ​ഗ്നി​പ​രീ​ക്ഷ​യാ​ണ്. കെ.​​കെ. ശൈ​ല​ജ​യാ​ണ്​ എ​തി​രാ​ളി​യെ​ങ്കി​ലും ടി.​പി. ​ച​​ന്ദ്ര​ശേ​ഖ​ര​ൻ വ​ധ​ക്കേ​സ്​ വീ​ണ്ടും ച​ർ​ച്ച​യാ​യ സാ​ഹ​ച​ര്യ​ത്തി​ൽ മു​ര​ളീ​ധ​ര​ന്​ വ​ട​ക​ര നി​ല​നി​ർ​ത്താ​നാ​കു​മെ​ന്നാ​യി​രു​ന്നു​ വി​ല​യി​രു​ത്ത​ൽ. 1996ൽ ​പി​താ​വ്​ കെ. ​ക​രു​ണാ​ക​ര​നും 98ൽ ​ത​നി​ക്കും കാ​ലി​ട​റി​യ തൃ​ശൂ​രി​ൽ ക​ടു​ത്ത ത്രി​കോ​ണ മ​ത്സ​ര​മാ​ണ്. ക​ഴി​ഞ്ഞ നി​യ​മ​സ​ഭ തെ​ര​ഞ്ഞെ​ടു​പ്പി​ൽ നേ​മ​ത്ത്​ ബി.​ജെ.​പി​യു​ടെ അ​ക്കൗ​ണ്ട്​ പൂ​ട്ടി​ക്കാ​നും ലോ​ക്സ​ഭ തെ​ര​ഞ്ഞെ​ടു​പ്പി​ൽ വ​ട​ക​ര​യി​ൽ പി. ​ജ​യ​രാ​ജ​നെ നേ​രി​ടാ​നും മ​റ്റ്​ കോ​ൺ​ഗ്ര​സ് നേ​താ​ക്ക​ൾ വി​സ്സ​മ്മ​തി​ച്ച​പ്പോ​ൾ വെ​ല്ലു​വി​ളി ഏ​റ്റെ​ടു​ത്ത ച​രി​ത്ര​മാ​ണ്​ മു​ര​ളീ​ധ​ര​​ന്‍റേ​ത്. ആ ​പോ​രാ​ട്ട​വീ​ര്യം ഒ​രി​ക്ക​ൽ​കൂ​ടി കോ​ൺ​ഗ്ര​സി​ന്​ തു​ണ​യാ​വു​ക​യാ​ണ്.