തിരുവനന്തപുരം: ഷുഹൈബിെൻറ കൊലപാതകത്തിൽ ഒടുവിൽ മൗനം വെടിഞ്ഞ് മുഖ്യമന്ത്രി പിണറായി വിജയൻ. കൊലപാതകത്തെ അപലപിച്ച് ഞായറാഴ്ച രാത്രിയോടെയാണ് മുഖ്യമന്ത്രിയുടെ വാർത്തക്കുറിപ്പ് പുറത്തിറങ്ങിയത്.
കണ്ണൂരിലെ ഷുഹൈബിെൻറ കൊലപാതകം അത്യന്തം അപലപനീയമാണെന്ന് മുഖ്യമന്ത്രി പറഞ്ഞു. സംഭവമുണ്ടായ ഉടൻ കുറ്റവാളികള്ക്കെതിരെ കര്ശന നടപടിയെടുക്കാന് പൊലീസിന് നിര്ദേശം നല്കിയിട്ടുണ്ട്. പൊലീസ് ശക്തമായ നടപടികള് സ്വീകരിച്ചുവരുകയാണ്. നിഷ്പക്ഷമായ അന്വേഷണമാണ് നടക്കുക. ആരാണ് പ്രതികള് എന്നതോ എന്താണ് അവരുടെ ബന്ധങ്ങള് എന്നതോ അന്വേഷണത്തെ ഏതെങ്കിലും തരത്തില് ബാധിക്കില്ല. മുഖം നോക്കാതെയുള്ള നടപടികളുമായി പൊലീസ് മുന്നോട്ടു പോവുകയും ഇതുമായി ബന്ധപ്പെട്ട കുറ്റവാളികളെ ഒന്നൊഴിയാതെ അറസ്റ്റ് ചെയ്യുകയും ചെയ്യും. ഇപ്പോള് ചിലര് പൊലീസ് കസ്റ്റഡിയിലുണ്ട്. മറ്റുള്ളവരെയും ഉടൻ പിടികൂടുമെന്നും മുഖ്യമന്ത്രി പറഞ്ഞു. സമാധാനത്തിെൻറയും സാഹോദര്യത്തിെൻറയും അന്തരീക്ഷം സൃഷ്ടിക്കുന്നതിന് എല്ലാവരുടെയും സഹകരണം ഉണ്ടാകണമെന്നും അദ്ദേഹം അഭ്യർഥിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.