അനുപമയുടെ ഹരജി വീണ്ടും മാറ്റി; തിങ്കളാഴ്​ച പരിഗണിക്കും

കൊച്ചി: ഒരു വര്‍ഷം മുമ്പ് മാതാപിതാക്കൾ തട്ടിയെടുത്ത കുഞ്ഞിനെ കണ്ടെത്തി വിട്ടുനൽകണമെന്ന് ആവശ്യപ്പെടുന്ന തിരുവനന്തപുരം സ്വദേശിനി അനുപമയുടെ ഹേബിയസ് കോർപസ് ഹരജി ഹൈകോടതി വീണ്ടും മാറ്റി.

വിഷയം തിരുവനന്തപുരം കുടുംബ കോടതിയുടെ സജീവ പരിഗണനയിലിരിക്കെ കുഞ്ഞ് അന്യായ തടങ്കലിലാണെന്ന പറയാനാവുന്നതെങ്ങിനെയെന്നും ഈ ഘട്ടത്തിൽ ഇത്തരമൊരു ഹരജിയിൽ ഇടപെടേണ്ടതുണ്ടോയെന്നും ചൊവ്വാഴ്​ച ആരാഞ്ഞ കോടതി, ഹരജി ബുധനാഴ്​ചത്തേക്ക്​ മാറ്റിയിരുന്നു.

എന്നാൽ, ബുധനാഴ്​ച അനുപമയുടെ അഭിഭാഷകൻ ഹാജരാകാതിരുന്നതിനെ തുടർന്നാണ്​ ഹരജി തിങ്കളാഴ്​ചത്തേക്ക്​ വീണ്ടും മാറ്റിയത്​.