പൈപ്പ്​ പൊട്ടി; കോഴിക്കോട്​ നഗരത്തിൽ കുടിവെള്ളം മുടങ്ങി

കോഴിക്കോട്​: കുടിവെള്ള വിതരണ പൈപ്പ് പൊട്ടി റോഡ്​ തകർന്നതിനൊപ്പം നഗരത്തിൽ കുടിവെള്ളവും മുടങ്ങി. വെള്ളി യാഴ്​ച രാവിലെ ആറു മണിയോടെയാണ്​ എരഞ്ഞിപ്പാലം ജങ്​ഷനില്‍ രണ്ടിടത്തായി വാട്ടർ അതോറിറ്റിയുടെ കുടിവെള്ള വിതരണ പൈപ്പ്​ പൊട്ടിയത്​. മലാപ്പറമ്പ്​ ടാങ്കിൽനിന്ന്​ നഗരത്തി​േലക്ക്​ ജലവിതരണം നടത്തുന്ന, 50 വർഷം പഴക്കമുള്ള 700 എം.എ ം പ്രീകാസ്​റ്റ്​ കോൺക്രീറ്റ്​ പൈപ്പാണിത്​. പൈപ്പ്​ പൊട്ടിയതിനെ തുടർന്ന്​ എരഞ്ഞിപ്പാലം മിനിബൈപാസിന്​ പടിഞ ്ഞാറുഭാഗം മാവൂർ റോഡ്​ വരെയും സിവിൽസ്​റ്റേഷൻ ഭാഗത്തും ബീച്ചിൽ ഭട്ട്​ റോഡിനും ഗാന്ധിറോഡിനുമിടയിലും കുടിവെള്ളവിതരണം മുടങ്ങി.

കരിക്കാംകുളത്തിനു​ സമീപം ​േഫാറിക്കൻ റോഡിൽ കാഞ്ഞിരംമുക്കിലും രാവിലെ അഞ്ചു​ മണിയോടെ പൈപ്പ്​തകർന്നതിനാൽ മലാപ്പറമ്പ്, വേങ്ങേരി, തടമ്പാട്ടുതാഴം, കരിക്കാംകുളം, കൃഷ്ണൻ നായർ റോഡ് ഭാഗങ്ങളിലും കുടിവെള്ള വിതരണം മുടങ്ങി. ശനിയാഴ്​ച​ ഉച്ചയോടെ അറ്റകുറ്റപ്പണികൾ പൂർത്തിയാക്കി കുടിവെള്ള വിതരണം പുനഃസ്​ഥാപിക്കാനാകു​െമന്ന പ്രതീക്ഷയിലാണ്​ വാട്ടർ അതോറിറ്റി അധികൃതർ. പകരം സംവിധാന​െമന്ന നിലയിൽ കോഴിക്കോട്​ കോർപറേഷ​​​​െൻറ ടാങ്കറുകളിൽ വാർഡ്​ കൗൺസിലർമാരുടെ നേതൃത്വത്തിൽ കുടിവെള്ള വിതരണം നടത്തുന്നുണ്ട്​.

എരഞ്ഞിപ്പാലം ജങ്​ഷനിൽ രാവിലെ ആറുമണിയോടെ ചെറു ജലപ്രവാഹമായി തുടങ്ങിയ പൈപ്പ്​പൊട്ടൽ പിന്നീട്​ ‘മലവെള്ളപ്പാച്ചിൽ’ ആയി മാറുകയായിരുന്നു. വെള്ളത്തി​​​​െൻറ ശക്​തിയിൽ റോഡിലെ കട്ടിയേറിയ ടാറിങ്ങും തകർന്നു. തുടർന്ന്​ കോഴി​ക്കോട്​-വയനാട്​ ദേശീയപാതയിലും ബാലുശ്ശേരി റോഡിലും ഗതാഗതം അൽപനേരം മുടങ്ങി. വയനാട്​ ഭാഗത്തുനിന്ന്​ വരുന്ന വാഹനങ്ങൾ മിനി ബൈപാസ്​ വഴിയും ബാലുശ്ശേരി ഭാഗത്തുനിന്നുള്ളവ ഇൗസ്​റ്റ്​ഹിൽ വഴിയും തിരിച്ചുവിട്ടു.

ട്രാഫിക് അസി. കമീഷണര്‍ പി.കെ. രാജുവി‍​​​െൻറ നേതൃത്വത്തില്‍ തകര്‍ന്ന റോഡ് ഭാഗം ട്രാഫിക് കോണ്‍ കെട്ടിതിരിച്ചാണ് രാവിലെ ഗതാഗതം പുനഃസ്ഥാപിച്ചത്. ജില്ല കലക്​ടർ സാംബശിവറാവുവും മേയർ തോട്ടത്തിൽ രവീന്ദ്രൻ അടക്കമുള്ള ജനപ്രതിനിധികളും സ്​ഥലത്തെത്തി. ഫയർഫോഴ്​സ്​ സംഘവും എത്തിയിരുന്നു. മണ്ണുമാന്തിയന്ത്രം ഉപയോഗിച്ച്​​ നാലു​​ മീറ്റ​​േറാളം കുഴിച്ചാണ്​ പൈപ്പിലെ അറ്റകുറ്റപ്പണികൾ നടത്തുന്നത്​. വെള്ളിയാഴ്​ച രാത്രിയും ജോലി ചെയ്​ത്​ തകരാറുകൾ പരിഹരിക്കാനാണ്​ ശ്രമം.