ഭരണഘടന പ്രകാരം കാര്യങ്ങൾ നടക്കാനാണ് ബി.ജെ.പി ആഗ്രഹിക്കുന്നത് -ഒ. രാജഗോപാൽ

തിരുവനന്തപുരം: ഭരണഘടന പ്രകാരമുള്ള കാര്യങ്ങൾ നടക്കണമെന്നാണ് ബി.ജെ.പി ആഗ്രഹിക്കുന്നതെന്ന് ഒ. രാജഗോപാൽ. ഇതിനെ തെറ്റായ വിധത്തിൽ വ്യാഖ്യാനിക്കുന്നത് സങ്കുചിത രാഷ്ട്രീയ ലാഭത്തിന് വേണ്ടിയാണെന്നും രാജഗോപാൽ പറഞ്ഞു.

പൗരത്വം ഇന്നയാൾക്ക് നൽകണമെന്നും ഇന്നവർക്ക് നൽക്കേണ്ടെന്നും ആരും വാദിച്ചിട്ടില്ലെന്ന് രാജഗോപാൽ ചൂണ്ടിക്കാട്ടി. വാദിച്ചെന്ന് പറഞ്ഞ് കുതിര കയറാനുള്ള ശ്രമമാണ് നടക്കുന്നത്. ഇന്ന് വീരവാദം പറയുന്നവരാണ് മതത്തിന്‍റെ അടിസ്ഥാനത്തിൽ രാജ്യത്തെ വെട്ടിമുറിച്ചതെന്നും രാജഗോപാൽ ആരോപിച്ചു.

ജാതിക്കും മതത്തിനും അതീതമായി രാജ്യത്ത് ജീവിക്കുകയും സംസ്കാരത്തിൽ അഭിമാനം കൊള്ളുകയും ചെയ്യുന്നവരാണ് പൗരന്മാരെന്നും രാജഗോപാൽ വ്യക്തമാക്കി.

പൗ​ര​ത്വ ഭേ​ദ​ഗ​തി നി​യമം ച​ർ​ച്ച ചെ​യ്യാ​ൻ ചേർന്ന നി​യ​മ​സ​ഭ​യു​ടെ പ്ര​ത്യേ​ക സ​മ്മേ​ളനത്തിൽ സംസാരിക്കുകയായിരുന്നു അദ്ദേഹം.