തിരുവനന്തപുരം: നിർത്തിവെച്ച സർവീസ് പുനരാരംഭിക്കുമെന്ന് സ്വകാര്യ ബസുടമകൾ. ഗതാഗത മന്ത്രിയുമായി നടത്തിയ ചർച്ചയിലാണ് തീരുമാനം.
പല ബസുകളും അറ്റകുറ്റ പണികളിലാണ്. അത് തീരുന്ന മുറക്ക് അവ സർവീസ് നടത്തിത്തുടങ്ങുമെന്നും ചില ബസുകൾ ഇന്നു തന്നെ നിരത്തിലിറങ്ങിയിട്ടുണ്ടെന്നും ബസുടമകളുടെ സംഘടന നേതാക്കൾ മാധ്യമങ്ങളോട് പറഞ്ഞു.
എത്രയും വേഗത്തിൽ സർവീസുകൾ ആരംഭിക്കുവാൻ തയാറാണെന്ന കാര്യം സർക്കാറിനെ അറിയിച്ചിട്ടുണ്ട്. സർക്കാറിനെ ധിക്കരിക്കുവാനോ വെല്ലുവിളിക്കുവാനോ തയാറല്ല. ഈ കോവിഡ് കാലഘട്ടത്തിൽ സർക്കാറിനും ജനങ്ങൾക്കും ഒപ്പം നിന്നുകൊണ്ട് മുന്നോട്ടുപോകാനാണ് തീരുമാനമെന്നും നേതാക്കൾ പറഞ്ഞു.
ഡീസലടിക്കാനോ ജീവനക്കാർക്ക് ശമ്പളം കൊടുക്കാനോ പര്യാപ്തമാവാത്ത വിധം വലിയ നഷ്ടം സംഭവിക്കുകയാണെങ്കിൽ അക്കാര്യം സർക്കാറിനെ അറിയിക്കും. തങ്ങളുടെ വിഷമം കേൾക്കാനുള്ള സൻമനസ് സർക്കാറിനുണ്ടെന്നാണ് വിശ്വസിക്കുന്നതെന്നും ബസുടമകളുടെ പ്രതിനിധികൾ വ്യക്തമാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.