ആമ്പല്ലൂർ: കെ.എസ്.ആർ.ടി.സി ബസിൽ യാത്രക്കാരി കുഴഞ്ഞുവീണ് മരിച്ചു. വരന്തരപ്പിള്ളി നന്തിപുലം മാട്ടുമല രാമൻമഠത്തിൽ സുന്ദർരാജിന്റെ ഭാര്യ റാണിയാണ് (64) മരിച്ചത്. ബുധനാഴ്ച ഉച്ചയോടെയായിരുന്നു സംഭവം.
കൊടകരയിൽ നിന്ന് ഭർത്താവിനൊപ്പം പുതുക്കാട്ടേക്ക് ബസിൽ പോകുകയായിരുന്നു. ഇതിനിടെ നന്തിക്കരയിൽ എത്തിയപ്പോൾ റാണിക്ക് ദേഹാസ്വാസ്ഥ്യം അനുഭവപ്പെട്ടു. ഉടനെ ഇതേ ബസിൽ തന്നെ പുതുക്കാട് താലൂക്ക് ആശുപത്രിയിൽ എത്തിച്ചു. ആശുപത്രിയിൽ എത്തുംമുമ്പേ മരണം സംഭവിച്ചതായി ഡോക്ടർ പറഞ്ഞു. പുതുക്കാട് പൊലീസ് മേൽനടപടി സ്വീകരിച്ചു. മകൾ: ദുർഗ. മരുമകൻ: പ്രസാദ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.