തിരുവനന്തപുരം: കേരളത്തിനെതിരെ കേന്ദ്ര മന്ത്രിയും ബി.ജെ.പി നേതാവുമായ ശോഭ കരന്തലജെ നടത്തിയ വിദ്വേഷ പരാമർശം സംബന്ധിച്ച് പ്രധാനമന്ത്രി നരേന്ദ്ര മോദി അഭിപ്രായം പറയണമെന്ന് സി.പി.ഐ സംസ്ഥാന സെക്രട്ടറി ബിനോയ് വിശ്വം എം.പി. കേരളത്തിലെ ആളുകൾ കർണാടകയിലെ പെൺകുട്ടികളുടെ മുഖത്ത് ആസിഡ് ഒഴിക്കുന്നുവെന്നാണ് കേന്ദ്രമന്ത്രി പറഞ്ഞത്.
രാമേശ്വരം കഫെ സ്ഫോടനവുമായി ബന്ധപ്പെടുത്തി തമിഴ്‌നാട്ടുകാർക്കെതിരെയുള്ള പ്രതികരണം പിൻവലിച്ച ശോഭ കരന്തലജെ കേരളത്തെ കുറിച്ചുള്ള പരാമർശം പിൻവലിക്കുന്നതിന് തയ്യാറായിട്ടില്ല. മലയാളികളെയാകെ അപകീർത്തിപ്പെടുത്തിയുള്ള വിദ്വേഷ പരാമർശമാണ് കേന്ദ്ര മന്ത്രിയുടെ ഭാഗത്തുനിന്നുണ്ടായത്. ഇക്കാര്യത്തിൽ, ഇടക്കിടെ സംസ്ഥാനത്തെത്തുകയും റോഡ്ഷോ നടത്തി ജനങ്ങളോട് കപട വാഗ്ദാനങ്ങൾ നൽകുകയും ചെയ്യുന്ന മോദിയുടെ പ്രതികരണമറിയാൻ കേരളീയർക്ക് ആകാംക്ഷയുണ്ടെന്ന് ബിനോയ് വിശ്വം പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.