ഭാരതാംബ വിവാദം; രാജ്​ഭവന്​ നിയമപരമായ മറുപടി നൽകാൻ സർക്കാർ

തി​രു​വ​ന​ന്ത​പു​രം: രാ​ജ്​​ഭ​വ​ൻ പ​രി​പാ​ടി​ക​ളി​ൽ ഭാ​ര​താം​ബ എ​ന്ന പേ​രി​ൽ കാ​വി​ക്കൊ​ടി​യേ​ന്തി​യ സ്ത്രീ​യു​ടെ ചി​ത്രം പ്ര​ദ​ർ​ശി​പ്പി​ച്ച്​ വി​ള​ക്ക്​ കൊ​ളു​ത്ത​ലും പു​ഷ്പാ​ർ​ച്ച​ന​യും തു​ട​രാ​ൻ തീ​രു​മാ​നി​ച്ച​തോ​ടെ, നി​യ​മ​പ​ര​മാ​യ മ​റു​പ​ടി​ക്ക്​ സ​ർ​ക്കാ​ർ.

രാ​ജ്​​ഭ​വ​നി​ൽ ഉ​ൾ​പ്പെ​ടെ ഔ​ദ്യോ​ഗി​ക പ​രി​പാ​ടി​ക​ളി​ൽ ഇ​ത്ത​രം ഭ​ര​ണ​ഘ​ട​ന​പ​ര​മ​ല്ലാ​ത്ത ചി​ഹ്ന​ങ്ങ​ളും ചി​ത്ര​ങ്ങ​ളും ഉ​പ​യോ​ഗി​ക്കു​ന്ന​തി​ലെ നി​യ​മ​പ്ര​ശ്നം പ​രി​ശോ​ധി​ച്ച്​ അ​ക്കാ​ര്യം രാ​ജ്​​ഭ​വ​നെ അ​റി​യി​ക്കാ​നാ​ണ്​ സ​ർ​ക്കാ​ർ തീ​രു​മാ​നം. നി​യ​മ​വ​കു​പ്പ്​ സെ​ക്ര​ട്ട​റി​യു​ടെ അ​ഭി​പ്രാ​യം കൂ​ടി പ​രി​ഗ​ണി​ച്ചാ​യി​രി​ക്കും എ​തി​ർ​പ്പ്​ രേ​ഖാ​മൂ​ലം അ​റി​യി​ക്കു​ക.

നേ​ര​ത്തെ കൃ​ഷി​വ​കു​പ്പ്​ സം​ഘ​ടി​പ്പി​ച്ച പ​രി​സ്ഥി​തി ദി​നാ​ച​ര​ണ​ത്തി​ൽ ചി​ത്രം ഇ​ടം​പി​ടി​ച്ച​ത്​ വി​വാ​ദ​മാ​യെ​ങ്കി​ലും ഇ​ക്കാ​ര്യ​ത്തി​ലെ വി​യോ​ജി​പ്പ്​ സ​ർ​ക്കാ​ർ ഇ​തു​വ​രെ രാ​ജ്ഭ​വ​നെ ഔ​ദ്യോ​ഗി​ക​മാ​യി അ​റി​യി​ച്ചി​രു​ന്നി​ല്ല. വി​ദ്യാ​ഭ്യാ​സ വ​കു​പ്പി​ന്​ കൂ​ടി പ​ങ്കാ​ളി​ത്ത​മു​ള്ള പ​രി​പാ​ടി​യി​ൽ ചി​ത്രം ഇ​ടം​പി​ടി​ച്ച​തോ​ടെ​യാ​ണ്​ നി​യ​മ​പ​ര​മാ​യ നി​ല​പാ​ട്​ രാ​ജ്​​ഭ​വ​നെ അ​റി​യി​ക്കാ​ൻ തീ​രു​മാ​നി​ച്ച​ത്.

മ​ത​ചി​ഹ്ന​ങ്ങ​ളും ചി​ത്ര​ങ്ങ​ളും രാ​ജ്​​ഭ​വ​നി​ലെ ഔ​ദ്യോ​ഗി​ക പ​രി​പാ​ടി​ക​ളി​ൽ ഇ​ടം​പി​ടി​ക്കു​ന്ന​തി​ലെ നി​യ​മ​പ്ര​ശ്നം ഇ​തു​വ​രെ സ​ർ​ക്കാ​ർ രേ​ഖാ​മൂ​ലം അ​റി​യി​ക്കാ​ത്ത​തി​ൽ വി​മ​ർ​ശ​ന​വും ഉ​യ​ർ​ന്നി​രു​ന്നു.

പു​തി​യ സാ​ഹ​ച​ര്യ​ത്തി​ൽ, സ​ർ​ക്കാ​റി​ന്‍റെ സാ​ധ്യ​മാ​യ പ​രി​പാ​ടി​ക​ൾ രാ​ജ്​​ഭ​വ​നി​ൽ നി​ന്ന്​ ഒ​ഴി​വാ​ക്കാ​നും ധാ​ര​ണ​യാ​യി​ട്ടു​ണ്ട്. ഗ​വ​ർ​ണ​ർ കൂ​ടി പ​​ങ്കെ​ടു​ക്കേ​ണ്ട പ​രി​പാ​ടി​ക​ൾ രാ​ജ്​​ഭ​വ​നി​ൽ സം​ഘ​ടി​പ്പി​ക്കേ​ണ്ടി​വ​രും. അ​ത്ത​രം ച​ട​ങ്ങു​ക​ളി​ൽ ചി​ത്രം ഇ​ടം​പി​ടി​ക്കു​മ്പോ​ഴു​ണ്ടാ​കു​ന്ന സാ​ഹ​ച​ര്യം എ​ങ്ങ​നെ കൈ​കാ​ര്യം ചെ​യ്യ​ണ​മെ​ന്ന​തി​ലും തീ​രു​മാ​ന​മെ​ടു​ക്കേ​ണ്ടി​വ​രും.

ഗ​വ​ർ​ണ​ർ ര​ക്ഷാ​ധി​കാ​രി​യാ​യ​തി​നാ​ലാ​ണ്​ സ്കൗ​ട്​​സ്​ ആ​ൻ​ഡ്​ ഗൈ​ഡ്​​സി​ന്‍റെ രാ​ജ്യ​പു​ര​സ്​​കാ​ർ വി​ത​ര​ണം രാ​ജ്​​ഭ​വ​നി​ൽ ന​ട​ത്തേ​ണ്ടി ​വ​ന്ന​ത്. ച​ട​ങ്ങ്​ സം​ഘ​ടി​പ്പി​ക്കാ​ൻ മു​ൻ​കൈ​യെ​ടു​ത്ത​തും രാ​ജ്​​ഭ​വ​നാ​യി​രു​ന്നു. അ​തേ​സ​മ​യം, ഗ​വ​ർ​ണ​ർ പ​​ങ്കെ​ടു​ത്ത പ​രി​പാ​ടി​യി​ൽ നി​ന്ന്​ പ്രോ​ട്ടോ​കോ​ൾ തെ​റ്റി​ച്ച്​ മ​ന്ത്രി ഇ​റ​ങ്ങി​പ്പോ​യ​തു​ൾ​പ്പെ​ടെ ചൂ​ണ്ടി​ക്കാ​ട്ടി​ ഗ​വ​ർ​ണ​ർ മു​ഖ്യ​മ​ന്ത്രി​ക്ക്​ ക​ത്ത്​ ന​ൽ​കാ​നു​ള്ള സാ​ധ്യ​ത​യു​മു​ണ്ട്.

അ​തൃ​പ്തി അ​റി​യി​ക്കാ​ൻ മു​ഖ്യ​മ​ന്ത്രി​യെ വി​ളി​ച്ചു​വ​രു​ത്താ​നു​ള്ള സാ​ധ്യ​ത​യു​മു​ണ്ട്. പാ​ർ​ട്ടി, മു​ന്ന​ണി ത​ല​ങ്ങ​ളി​ൽ ഗ​വ​ർ​ണ​ർ​ക്കെ​തി​രെ പ്ര​തി​ഷേ​ധം ക​ടു​പ്പി​ക്കു​ന്നു​ണ്ടെ​ങ്കി​ലും പ​ര​സ്യ ഏ​റ്റു​മു​ട്ട​ൽ ഒ​ഴി​വാ​ക്ക​ണ​മെ​ന്ന ലൈ​നി​ലാ​ണ് സ​ർ​ക്കാ​ർ.